Манай улсын гадаад өр 9.8 тэрбум$ +1 тэрбум$ боллоо.
Монгол Улсын Ерөнхийлөгч Цахиагийн Элбэгдоржийн БНХАУ-д хийж байгаа төрийн айлчлалын хүрээнд хоёр талын эдийн засгийн хамтын ажиллагааг өргөжүүлэн хөгжүүлэхэд чиглэсэн Монгол, Хятадын харилцаа, хамтын ажиллагааны дараах баримт бичигт гарын үсэг зурах ёслол болжээ. Энэ үеэр Эдийн засаг, техникийн хамтын ажиллагааны тухай Монгол Улсын Засгийн газар, БНХАУ-ын Засгийн газар хоорондын хэлэлцээр, БНХАУ-ын Засгийн газрын 2016 онд олгох 300 сая юанийн буцалтгүй тусламжийн хүрээнд хэрэгжүүлэх төслүүдийн солилцох захидал зэргээс гадна Монгол Улсын Засгийн газар, БНХАУ-ын Экспорт Импорт банк хоорондын 1.0 тэрбум ам.долларын зээлийн ерөнхий хэлэлцээрт бас гарын үсэг зуржээ. Энэ зээлийг авсанаар манай улсын 9,8 тэрбум долларын гадаад өр ахин нэг тэрбумээр нэмэгдлээ.Монгол улс сул дорой Хятад хүчирхэг байгаа энэ үед урд хөршөөс ийм их зээл авах нь үндэсний аюулгүй байдалд маш ноцтой эрсдэл үүсгэх уршигтай. Гэтэл үүнийг манай харалган эрх баригчид олж харахгүй байна. УИХ-ын дарга З.Энхболд санаа зовох зүйлгүй гэсэн нь өнөө маргаашийн хоолын мөнгөтэй байвал цаашдаа яах нь хамаагүй гэх жинхэнэ монгол ухааны илэрхийлэл юм. Таджикстан улс Хятадаас авсан өрөө төлж дийлэлгүй газар нутгаасаа тасдаж өгсөн. Зөвхөн энэ жишээ л Бээжингийн далд санаа ямар аюултайг сануулж байна. Хятадууд 10-20 жилээр алсыг харж бодлогоо явуулдаг бол манай дарга нарын ухаан сонгуулийн дөрвөн жилээр л хэмжигддэг. Ийнхүү бид Хятадын зөөлөн боловч ирээдүйд чангарах гар луу өөрсдөө гүйгээд орж байна.
NUUTS.mn
