Нууц мэдээллийн уурхай

40 гаруй жил уулзаагүй гэх Хятад, Тайваны ерөнхийлөгч нар уулзаад 48 цаг ч болоогүй байна. Ууулзалтын үеэр Хятадын дарга арлын улсын ерөнхийлөгчийн гарыг атгачихаад тавихгүй байсныг хэвлэлүүд онцолж байна. Зарим нь бүр гурван минут атгаж зогссон гэж бичиж байна. Үүнээс үзэхэд Бээжин тайвань ахан дүүсээ үнэхээр их санажээ. Хоёр хятад улсын ерөнхийлөгч нар уулзаад 48 цаг ч өнгөрөөгүй байхад манай Ерөнхийлөгч урд хөршийг зорилоо. Энэ удаагийн айлчлал нь цаг хугацааны хувьд ч тун эвгүй сэтгэгдэл төрүүлж байна. Яг л удаан уулзаагүй гурван ах дүү цаг болзоод уулзаж байгаа юм шиг.  Ажигч гярхай гадны хэвлэлийнхэн үүнийг анзаарах нь мэдээж.  Гэхдээ  дэлхийн томчуудтай уулзах дуртай Ц.Элбэгдоржийн хувьд уулзах цаг үе, уулзалтын үр дүнд төлийлэн ач холбогдол өгдөггүй. Путин, Си нартай уулзаж л байвал болоо гэдэг болсон. Түүнээс биш гарах үр дүн ямар ч байх хоёрдугаар зэргийн асуудал болсон.  Хоёр хөршийн удирдагчтай олонтоо уулзсан бүхий л төмөр зам хийн хоолой нь Монголыг тойрон тавигдахаар боллоо.  Хэдий ажиглагч нэртэй ч Шанхайн хамтын нийгэмлэгийн бараг гишүүн болсон гэхэд хилсдэхгүй.  Үр дүнгүй энэ олон  уулзалтаас зөвхөн уулзсан гар барьсан, манай саналыг хүлээн авсан гэдэг л факт үлддэг. Монголын талд ашигтай нэг ч асуудал шийдэгдээгүй.  Харин өдгөө нэг тэрбум долларын төлөө явж байна. Си Тайваны ерөнхийлөгчийн гарыг атгачихаад тавихгүй байсан шиг энэ удаад манай хүн Хятадын даргын гарыг хэдэн минут сэгсчих бол гэдэг нь сонин.
 

НУУЦ.мн