Шийлэгээс болоод дарга нар сейфээ зайлуулж байна
Нийтэлсэн: 2015-11-09 06:02:47
ЭМЯ гэж бэлэн мөнгөний дуудлагатай газар байдаг болжээ. Бүр ялангуяа сейф нь төгрөг доллар юань гээд гадаад дотоод валютаар тасардаггүй. Өмнө нь ЭМЯ-ны нэгэнн ТНБД-ын хогийн цэг дээр хаячихсан сейфнээс бөөн мөнгө гарч ирсэн. Энэ бүхнээс дүгнэхэд эдийн засгийн хямарлын үед төсвийн орлого бүрдүүлэх яаралтай арга хэмжээ болгон СЯ болон ЭМЯ-ны байрыг солих хэрэгтэй гэдэг нь эрүүл ухаантай хэнд ч тодорхой боллоо. Тэгвэл Б.Болор сайдын өргөөнөөс бэлэн мөнгө тасралтгүй урсах бололтой. Шийлэгээгийн сейфэнд бэлэн мөнгө байсныг АТГ-ынхан яг таг мэдэж байжээ. Сайдын сейфийн хаалга онгойх бүрийг бүртгэж чаддаг хүмүүсд агентлагийн даргыг хэдэн бор юм төмөр авдар луугаа сэмхэн шургуулсныг мэдэх нь алга урвуулахын төдий хэрэг биз. Үүнээс айж болгоомжилсон дарга нар сейфээ яаран өрөөнөөсөө гаргаж эхэлжээ. Өдгөө өрөөндөө МӨНГӨНИЙ сейфтэй л бол автоматаар сэжиглэгдэнэ гэсэн үг болжээ. Намын дарга нь экс сайдаа авлига авах хүн биш гэсэн. Энэ нь цаагуураа тийм юм хийж чадах хүн биш гэнэн амьтан даа гэсэнтэй адилхан сонсогдсон. Үнэхээр Шийлэгээ гэнэхэн залуу байжээ. Гэгээн цагаан өдөр бэлэн мөнгийг боодол боодлоор нь яаман дээрээ авчруулж байдаг гэхээр аргагүй л “ногоон”-оороо гэдэг нь харагдаж байна. Архагууд ийм л хүнийг ашиглаад хаядаг.
НУУЦ.мн
