Тяньжин дэх УБ төлөөлөгчийн газар юу “хийдэг” вэ ?
Нийтэлсэн: 2015-11-09 03:31:16
АН-ын үед үсрэнгүй хөгжсөн салбар бол гадаад харилцаа гэдэг. Манай өндөр намхан дарга сайд нар байн байн гадаад явдаг тул аргагүй биз. Уг нь байн байн гадаад явж өөрсдийгөө “зовоож” байхын оронд гадаадад байгаа төлөөлөгчийн газраа олигтой ажиллуулсан бол дээр байсансан. Хятадын том боомт хот Тяньжинд Монгол-Хятадын эдийн засаг худалдааны хамтын ажиллагааг өргөжүүлэн хөгжүүлэх чиглэлээр үйл ажиллагаа явуулах үүрэгтэй Улаанбаатар төлөөлөгчийн газар ажилладаг. Гэхдээ чухам юу хийдэг нь мэдэгдэдгүй, бидэнд тус нэмэр болдоггүй хэмээн тээвэр зуучийнхан ярьдаг. Дээр нь дарга нар нь жил болгон шахуу солигддог. 2014 онд Улаанбаатар төлөөлөгчийн газрын захирлаар Б.Гантулга ажиллаж байсан бол энэ оны эхнээс У.Хүрэлсүхийн тушаалаар Д.Бүрэнтогтох гэдэг шинэ даргатай болжээ. Шинэ дарга ирээд багаа бүрдүүлнэ хэмээн баахан бужигнуулсан. Хуучин даргын хүмүүсээс ажлын тайлангаа гаргаж өгөхийг шаардахад бичих юмгүй гээд сууж байсан хүмүүс хүртэл гарсан тухай шинэ дарга толгой сэгсэрчээ. Бүр бүтэн хагас жил ажиллахдаа Хятадын талтай ажил хэргийн ганцхан уулзалт хийсэн тээвэр ложистикийн ажилтан ч байжээ. Ер нь Тяньжин дэх төлөөлөгчийн газарт “МТЗ” компанийхан хүнээ их “шахсан” аж.
NUUTS.mn
