“Баян-Айраг” компани яагаад хотоос хоолны махаа зөөдөг вэ ?
Нийтэлсэн: 2015-11-09 01:57:22
Завхан аймгийн Дөрвөлжин, Эрдэнэхайрхан сумын зааг дээр “Баян-айраг” гэдэг компани ашигт малтмалын үйл ажиллагаа явуулдаг. Энэ компанийг цагаан алт олборлодог гэж нутгийнхан нь ярьдаг. Цагаан шар нь сонин бус боловч нутгийн иргэдийн гомдлын дагуу аймаг болон улсын холбогдох хяналт шалгалтын байгууллага ямар ч арга хэмжээ авдаггүй нь гайхалтай. Нутгийн иргэдийн гомдол хүсэлтэнд ноцтой зүйл олонтоо дурдагддаг. Юуны урьд олборлолтын талбай уурхайн хавьцаа нэг ч хээрийн шувуугүй болжээ. Үйл ажиллагаа явуулж эхэлснээс хойш шувууд бөөнөөрөө үхэцгээсэн гэнэ. Компаний ажилчид үе үе үхсэн шувуудыг шуудай шуудайгаар нь түүж булдаг. Мөн тэр хавийн иргэдийн нохой ч үл мэдэгдэх шалтгаанаар үхээд эхэлж. Түүнээс гадна нутгийн иргэдийн баталж байгаагаар “Баян-Айраг” компанийхан сумаас идэх мал мах, сүү авдаггүй агаад хаа холоос хотоос зөөдөг гэнэ. Компанийхан кэмпдээ хотоос авчирсан машиндсан махаар хоол хийж иддэг, нойтон мах байдаггүй хэмээн нутгийнхан нь гайхдаг. Шувуу нохой бөөнөөрөө үхсэн, тэр хавиасаа мал мах худалдаж авдаггүй зэрэг нь үнэхээр хачирхалтай тул олборлолтондоо нэгэн хориотой бодис хэрэглэдэг байх гэж хардсан иргэд зохих газарт нь мэдэгддэг ч ямар ч арга хэмжээ авдаггүй гэнэ.
НУУЦ.мн
