Германд араар тавилтаас сэргийлдэг вакцин бүтээгджээ
Боннын Их сургуулийн эрдэмтэд даян дэлхийн хартайчуудад амин чухал болох вакциныг бүтээсэн нь араар тавилтаас сэргийлэх маш үр нөлөөтэй үйлчилгээтэй болох нь батлагджээ. Энэ вакциныг тариулсан эр хүнд эхнэрээсээ өөр эмэгтэйн салхин доогуур нь гарах нь бүү хэл биенд нь 80 см-ээс ч дотогшоо ойртож чадахгүй болгодог гэнэ. Герман ухаанаар бүтээгдсэн вакцин нь тархи толгойд үүсдэг хормойн элдэв бодлыг шууд “блоклох” үйлчилгээтэй окситоны дааварыг ихээр агуулдаг гэнэ. Үүний үр дүнд тариулсан эр хүнд өөр эмэгтэйтэй сээтэгнэх нь ерөөсөө шал утгагүй уйтгартай хэрэг болж хувирдаг. Түүнээс гадна вакцин нь тухайн эрийн бэлгийн чалхи чадавхийг огтхон ч бууруулдаггүй нь нөхрөө хардаж явдаг эмэгтэйчүүдэд бүр ч их таалагджээ. Эрдэмтэд туршилтанд оролцохыг зөвшөөрсөн эхнэртэй эрчүүдэд тарилгыг тариад дараа ньтусгайлан бэлдсэн бааранд урьжээ. Тэнд эрчүүдийг зориуд өдөх уургалах үүрэг хүлээсэн тайчигч бүсгүйчүүд хүлээж байсан агаад өгөгдсөн төлөвлөгөөний дагуу ажиллажээ. Гэтэл вакцинд “хамрагдсан” эрчүүд тэдний өдөлт хандралтанд огтхон ч аватагдахгүй, бүр биедээ ч ойртуулахгүй байсан гэнэ. Харин энэхүү вакцин нь эмэгтэйчүүдэд эсрэгээр үйлчилжээ. Тарилга хийлгэсэн хүүхнүүд маш итгэмтгий гэнэндүү болж бусдын ямар ч үйлдлийг шууд зөвшөөрөн хүлээн авч байсан тул эхнэрүүдэд таарахгүй гэдэг нь нотлогджээ.
NUUTS.mn
