ОХУ Хятадад 4.7кв км газар нутгийг нь албан ёсоор буцаан өгчээ
Нийтэлсэн: 2015-11-07 02:06:35
Хятадын төрийн албан ёсны хэвлэлүүдэд 4.7 кв км түүхэн газар нутгаа Оросоос буцаан авсан тухай мэдээлжээ. Хоёр улсын хилийн заагийг шинэчлэн тогтоох 2004 оны хэлэлцээрийн үеэр энэ газар нутаг нь Хятадынх бөгөөд 150 жилийн өмнө Хаант Орос хүчээр ур булаан авсаныг нь тогтоосон гэнэ. Ингээд энэ оны 5-р сард хууль ёсны эзэнд нь буцаан өгсөн ч Бээжин энэ тухай одоо л албан ёсоор мэдээлж байгаа нь сонирхол татаж байна. Саяхан Өмнөд Хятадын тэнгис дэх маргаантай арлын усан бүсэд Америкийн атомын нисэх онгоц тээвэрлэгч “Теодор Рузвельт” хөлөг онгоц орсон. Энэ аварга хятадуудыг үнэхээр сүрдүүлж чаджээ. Хятадын усан флотод эсэргүүцэх чадвар бараг байхгүй тул ГХЯ нь ам бичгээр эсэргүүцсэн.. Ийнхүү Америкийн хөлөг орж ирэхийг зогсоож чадаагүйгээрээ Бээжин сул дорой болохоо дэлхий нийтэд төдийгүй ард түмнийхээ өмнө харуулсан. Өдгөө унасан нэр хүндээ сэргээхийн тулд Оросоос авсан 4.7 кв км газраа ийнхүү сүр дуулиантай зарласанд олон нийт нь баяр хөөтэйгээр хүлээн авчээ. Хятадын цахим орчинд энэ үйл явдлыг алдсан газар нутгаа буцаан авах аугаа тэмцлийн эхний ялалт хэмээн онцолсон. Үүний дараагаар Тайвань, Монгол, Байгаль нуур болон Алс дорнодыг буцаан авахыг уриалжээ.
НУУЦ.мн
