Залилангийн хэргийн сэжигтэн хохирогчид цагдаагийн хэлтсийн үүдэнд зодолджээ
Нийтэлсэн: 2015-11-03 03:52:59
Өршөөлийн хуульд залилангийн хэргийг оруулаагүй нь сайшаалтай зүйл болжээ. Саяхан Баянгол дүүргийн цагдаагийн хэлтсийн үүдэнд сэжигтэн болон хохирогчид гэх хүмүүс гар зөрүүлж сэжигтнийг элбэн зодсон гэнэ. Энэ хэрэгт хохирогч болоод байгаа залилангийн хэргийн сэжигтэн С.Са нь байцаагчийн өгсөн үүргийн дагуу сэтгэцээ шалгуулаад тогтоолоо оруулж өгчихөөд гартал араас нь хохирогчид нь бариад авчээ. Айсан сэжигтэн эд нар намайг явуулахгүй байна гэж байцаагчдаа утсаар ховлоход бүгдийг нь ороод ир гэж. Байцаагч хуулийн дагуу тайлбарлаж ойлгуулгаад яв гэхэд сэжигтэн ганцаараа гарахаас айж өмгөөлөгчөө дуудаж. Өмгөөлөгч нь ирсэн ч зодооноос хамгаалж чадсангүй. “Батболд гаднаас орж ирээд чамайг алж байж мөнгөө олж авна, овоо муу я-хан бэ гээд намайг хэл амаар доромжилсон. ...Батболдын эгч Батчимэг нэмэгдэж орж ирээд тэр хоёр над руу дайрсан. Батчимэг ирээд миний гараас тогтоолыг булааж авсан, сэтгэц шалгуулсан бичгийг харчихаад өөрийгөө өвчтэй гэж гаргуулж ял завших гэж байна гэж орилоод байсан. Туул дахиад миний зүүн талын хацрын яс руу гараа зангидаж байгаад цохисон. ...” гэж залилангийн хэргийн сэжигтэн гомдол гаргажээ. Харин хүн зодсон хэргийн буруутан болсон залилангийн хохирогч “Наран кровн” компаний захирал эмэгтэй “.. миний хэргийн холбогдогч болох Саранчимэгтэй таарсан. ...гэнэт таарчихаараад хөөе Сараа миний дүү эгчийнхээ мөнгийг өгчих өө гэсэн чинь “харин ч муу луйварчин минь чи надад 35 сая төгрөг өгөх ёстой гэхээр” нь би түүний цүнхнээс нь зуураад яахаараа би луйварчин болчихдог юм. Одоо цагдаа руу орьё гээд цүнхнээс нь зуурсан. Тэгээд хэрэлдэж байхад Батчимэг гэдэг хүүхэн Саранчимэгийн хэргийн хохирогч эрэгтэй дүүтэйгээ ирээд үйл явдлыг утсаараа бичээд байсан. бичлэгээс харахад би гадаа зууралдаж байхдаа л хуруугаараа толгой руу нь чичсэн юм шиг байна лээ. Түүнээс биш цохьсон, бусад ямар нэгэн үйлдэл хийгээгүй” гэжээ.
НУУЦ.мн
