Нууц мэдээллийн уурхай

Сонгинохайрхан дүүргийн намын хорооны дарга Д.Сумъяабазар намын хорооны хурлаа хуралдуулах үүрийн дарга нарын шаардлага хүсэлтийг үл хэрэгсэн гуравдахь жилдээ таг дуугай сууж байна. Уг нь МАН-ын дүрэм ёсоор хоёр жил тутам хурлаа хийж дарга нь хийсэн ажлынхаа тайланг тавих учиртай. Гэтэл дарга гуай хурлаа хийхийг шаардсан гишүүдээ айраг цагаагаар аргалсан шиг, нэр хүндээ өсгөх гэж гэр хорооллын дахин төлөвлөлтийг муулсан шиг давхиж явна. Том хүний хийж байгаа том асуудлыг шүүмжлэн гарч ирэх нь жижиг улстөрчдөд өөрийгөө олон нийтэд танилцуулах мэдрүүлэх нэг арга гэгддэг. Гэхдээ бидэнд эхлээд намын хороогоо бэхжүүлж  анхан шатны үүрүүдээ чадваржуулах шаардлагатай хэмээн  гишүүд нь шүүмжилж байна. Зарим гишүүд нь дарга тайлан гэдгээс зугтаагаад хурлаа хийхгүй байна гэж харддаг. 240 мянган хүнтэй нийслэлийн том дүүргийн намын хороог гурван жил удирдсан гэхээр нэлээд их ажил хийсэн байж таараа. Тайлан дээрээ ч дурдах зүйл их бий биз. Хэрвээ хийсэн бүтээсэн ажил байгаа бол тэрийгээ танилцуулаад сонгуулийн босгон дээр хурлаа хийж намын ажлаа цэгцлэхийг жирийн гишүүд нь намын хорооны дарга Д.Сумъяабазараас шаардаж байна. МАН саяхан “Бид хамтдаа” гэдэг том форум хийсэн. Гэтэл Д.Сумъяабазар дүүргийнхээ намын гишүүдтэй “бид хамтдаа байж чадахгүй” байна.

НУУЦ.мн