“Заяа олон юм ярьж гай болох вий”…
АН дотооддоо зөрчилдээ идэгдэн дэлбэрэх гэж байгаа бөмбөг болжээ. Нарийн өргөн цариг, Баянхонгороос гаралтай хоёр бизнесмэний зөрчил нь яван яван явсаар Шийдлийн Засгийн газрын “толгойг” залгиад цаашлан нэгдүгээр хүн лүү ч хүрч магадгүй болжээ. Учир нь АН-даа маш хүчтэйд тооцогдох МоАХ-ын тэрүүнийг араас нь “хутгалсан”. Өөрийгөө “Женко”-гийн багийн хүн гэдгэ эолон нийтэд зарладаг экс ТНБД-ыг баривчилсан нь хэн лүү чиглэсэн цохилт гэдэг нь тодорхой. Чухам энэ асуудлаар л АН-ын бүлэг хуралдсан. “Женко” орж ирээд л хурлыг шууд хаалттай горимд оруулжээ. Бий болсон нөхцөл байдалтай уялдуулан намын дарга Ерөнхий сайд хоёр нь ч яаран иржээ. Женкогоос сүрдсэн Ч.Сайханбилэг би баривчлах зөвшөөрөл өгөөгүй гэсэн гэнэ. Тэгвэл цаана нь нэг хүн нэг бүлэглэл л үлдэж байна.Тэр нь “Женко”-той нэг нутгийнх гэдэг. Байдлыг яаралтай засахгүй бол АН задрах аюултайг МоАХ сануулж байна. Хэрвээ тэд намаасаа гарвал бие даагаад сонгуульд орох хэмжээний чадалтай фракц юм. АН-ын жирийн гишүүд дундаа хамгийн өргөн хүрээлэлтэй олон гишүүнтэйд тооцогддог. Энэ бүхнээс үүдэн Б.Батзаяаг хэр удаан суулгах вэ гэдэг нь сонин. Ирэх жилийн сонгууль хүртэл хориод дарамтлах маягаар ашиглах магадлалтай. Өчигдрийн хэвлэлийн бага хурал дээр “би олон зүйл ярьвал Заяад гай болох байх” гэсэн үг унагасан. Үүний хажуугаар тэр нөхөр тэсэлгүй олон юм хэлээд надад гай болох вий гэсэн айдас болгоомжлол цухалзсан.
