Б.Батзаяаг баривчилсан нь Х.Баттулгыг ил гаргалаа
УИХ-ын гишүүн Х.Баттулга нэг хэсэгтээ л таг чиг болсон. Өршөөлийн хууль, Тавантолгойн тендер, Халх голын маргаан ид өрнөж байхад ч харагдаагүй дуугараагүй. Гэхдээ тэр бүх хэрэгт нэр нь ямар нэгэн хэмжээгээр ходбогдож л байсан. Харин ЗТЯ-ны ТНБД асан Б.Батзаяг баривчилсан даруй ил гарч мэдээлэл хийлээ. Тэрээр өнгөрсөн баасан гаригийн баривчилгааг “Нарийн царигаар Монголын баялгийг урагшаа зөөх гэсэн хүмүүс хэтэрхий олон боллоо. Б.Батзаяа бол тэрний золиос юм. Энэ дөнгөж эхлэл. Цаашдаа ч олон хүнийг хоморголох нь тодорхой” гэсэн товч хариултаар тайлбарлалаа. Бас өөрийг нь шалгаж байгааг ч үгүйсгэсэнгүй. Хэвлэлийн бага хуралд хэлсэнийг нь дүгнэхэд Б.Батзаяа зарчимтай, А.Гансүх хуульч бол харин Х.Баттулга эх оронч болж таарах нь. Ийм мундаг ёс зүйтэй хүмүүсээс юм гарахгүй нь бололтой. Энэхүү хэвлэлийн бага хуралд “Жэнко”-гийн баруун гар болон Тавантолгойг “гацаагч” Л.Эрдэнэчимэг суусан нь сонирхол татсан. Өдгөө эрхэм хатагтай энэ бүх өдрүүдэд хэний төлөө мега төслийг гацаасан нь бараг л тодорхой боллоо гэхэд хилсдэхгүй биз.
NUUTS.mn
