Б.Саранчимэгээс гадна СХД-ийн орлогч дарга Р.Дагва халагджээ
2010 оноос хойш “Үндэсний цэцэрлэгт хүрээлэн” нийслэлийн өмчит үйлдвэрийн газрын даргаар ажиллсан Б.Саранчимэгийг үүрэгт ажлаас нь чөлөөлжээ.Тэрээр УИХ-ын гишүүн Б.Наранхүүгийн эгч хэдий ч энэ нь хотын дарга нарт “нөлөөлсөнгүй”. Б.Саранчимэгээс өмнө Баатар мээр “Дүнжингарав”-аас болоод Дундговийн гишүүнтэй муудалцсан аж. Нийслэлийн өмчит газрын дарга атлаа шууд удирдлага нь болох хотын даргаа огцруулах бичигт гарын үсэг зурсан Б.Саранчимэг үнэндээ галаар тоглоод алджээ. Намын бүслгийн шахалт нь “зүрх сэтгэлээ” өгсөн гэх ажлаас нь үнэтэй байжээ. Хотын даргыг огцруулах бичгийн дуулианаар өөр хэд хэдэн хүн халагдсан агаад Сонгинохайрхан дүүргийн орлогч дарга, НИТХ-ын төлөөлөгч Р.Дагва, АХБ-ны төсөлд ажиллаж байсан МАН-ын төлөөлөгч нар баатарын эргүүлсэн сэлмэнд “ширвүүлсэн” гэнэ. Гэхдээ орлогч даргын хувьд хотын мээрийг огцруулах бичигт гарын үсэг зурснаас гадна УИХ-ын гишүүн Д.Сумьяабазарын гэр хорооллын дахин төлөвлөлт дампуурсан хэмээн үнэн худал нь мэдэгдэхгүй зүйл бурсантай давхар холбогдож байгаа бололтой.
NUUTS.mn
