“Халтар бандь дагуулчихаад” гэснээс болж 16-тай охид зодолдож нэгнийгээ бэртээжээ
Нийтэлсэн: 2015-10-30 04:02:39
Нэгийгээ “халтар бандь” дагуулаад явж байна гэж хэлсэнээс болж хоёр охин зодолдож нэгнийгээ дархины доргилт, нүдний угт торлогийн хөнгөн хаван үүсэх, хамрын таславч мурийх зэрэг гэмтэл учруулжээ. Энэ явдал Багануур дүүрэгт болсон гэнэ. 16 настай, Боловсрол цогцолборын 66 дугаар сургуулийн ..–р ангид суралцдаг Б.Э нь болсон явдлыг ийн мэдүүлж. Түүнийг найз хөвгүүнтэйгээ хамт Ирвэсийн дэлгүүр ороход нэг сургуулийнх нь М, Х гэдэг охид сууж байсан агаад өөр лүү нь муухай харсан гэнэ. Дэлгүүрээс гарсаны дараа дүү нь гүйж ирээд “М таныг 122-ын халтар бандь дагуулчихаад гэж байна” хэмээн хов хэлжээ. Гайхалтай нь Б.Э нь энэ үгэнд маш их хонзогносон агаад буцаж орон “та нарт халтар нь байхгүй шүү дээ” гэж хэрүүл хийжээ. М гэх охин тэгж хэлсэнээ хүлээгээгүй ч доромжлол гэж үзсэн тул найзаас нь утсыг нь аваад” чамтай яриатай” гэчихээд явсан гэнэ. Б.Э нь улсын шалгалтаа өгч “ажил төрлөө” амжуулсаны дараа нөгөө яриагаа хийхээр М рүү залгажээ. Хохирогч болсон явдлыг “Б.Э та нарт халтар нь ч байхгүй шүү дээ гэж хэлсэн. Миний утасны дугаарыг Хишигсүрэнгээс аваад чамтай яриатай гэчихээд явсан. Шалгалт өгсөний дараа Э-гийн ангийн охин утсаар яриад Э чамтай яриатай гэнэ, уулз гэж тулгажээ. Татгалзахад Э ангийнхаа гурван охинтой хүрээд иржээ. “Э эхлээд хоёулаа үзчихье гээд нүдний шилээ Амгаланд өгөхөд нь би “үзээд байх шаардлагагүй, хэн хэн нь буруу зүйл хийгээгүй” гэхэд намайг шууд л элэгдсэн, доошоо суухад толгойг минь дээш болгоод хацар луу алгадсан, зангидсан гараараа шанаадаад толгой руу түлхэхэд хана мөргөсөн, Дахиад зодох үед нь би шалан дээр ойчсон… Тархины зураг авахуулсны 85 мянган төгрөг Э өгсөн. хамрын таславч мурийсаныг ЭМЖЖИ эмнэлэгт 700.0-1.0 сая төгрөгөөр засдаг тул нийт 1.5 сая нэхэмжилж байна” гэж мэдүүлжээ.
НУУЦ.мн
