ИНЕГ-ын өмгөөллийн 80 саятай төстэй “ажлыг” ЗГХЭГ хүртэл хийж байсан
Нийтэлсэн: 2015-10-30 02:53:00
Иргэний нисэхийн ерөнхий газар нь хоёр удаагийн шилжүүлгээр буюу энэ сарын 7-нд 45 сая төгрөг, маргааш нь буюу 8-нд 34 сая 200мянган төгрөгийг Д.Минжмаа гэх өмгөөлөгчид шилжүүлжээ. Гэтэл тус газар нь дортоо чадварлаг мэргэшисэн хуульчдаас бүрдсэн бүхэл бүтэн хууль зүйн хэлтэстэй гэнэ. Хууль зүйн хэлтсийн ажилтнуудыг уралдаант шалгалтаар өрсөлдөөний зарчмаар бүрдүүлсэн байж таарна. Ийм мундаг хэлтэстэй атлаа гадны хуульчаас тусламж хүсэхдээ тулсан нь бодит байдалдаа ямар “баг” бүрдсэнийг нь харуулж байна гэхэд болно. Тэгвэл өөрсдийн хийх ажлыг мөнгө зарцуулж бусдаар хийлгэдэг нь төрийн бүх шатанд хавтгайрсан. Бүр ЗГХЭГ хүртэл өмгөөлөгчдийн баг хөлслөн экс ажилтантайгаа шүүхдэлцэж байсан удаатай. “Хүргэн” Дэнзэнтэй таарахаа болиод ажлаасаа гарсан ЗГХЭГ-ын дэд дарга Солонго нь тухайн үед хууль бусаар халагдсан хэмээн шүүхэд хандаж байсан. Харин хэрэг эрхлэхийнхэн өөрсдийн хуулийн хэлтсийн ажилтнууддаа итгэлгүй гаднаас өмгөөллийн баг хөлслөн экс дэд даргатайгаа шүүхдсэн ч ялагдсан. Мөн энэ зардалд хичнээн төгрөг зарцуулагдсан нь бас л нууц хэвээрээ үлдсэн.
НУУЦ
