Уйгар бүсгүйчүүдтэй гэрлэхийн тулд хэл дууг нь сурахыг хятад цэргүүдэд тушаажээ
Нийтэлсэн: 2015-10-29 07:31:33
Бээжингийн үндэсний ялгаварлан гадуурхах бодлогийн эсрэг байнга бослого үймээн гардаг Шинжаан-Уйгард ХАЧА-ийн нэг сая гаруй цэрэгтэй том тойрог байрладаг. Хэдийгээр Хятадын харгис засаг захиргаа цөөнх үндэстний эсэргүүцлийг цус урсган дардаг ч байдлыг бүрэн хяналтандаа оруулж чадахгүй байна. Үүний хамтаар хүчирхийлэл яргалалыг нь дэлхий дахинд хурцаар шүүмжлэх болсон нь Бээжинг арга хэлбэрээ өөрчилөхөд хүргэсэн. Өдгөө салан тусгаарлах гэсэн уйгарчуудын тэмцлийг зөөлөн аргаар сулруулах гэдэг болсон аж. Уйгар гэр бүлээс залуу охидыг нь хүчээр шахуу салган авч Хятадын төв мужууд руу сургах нэрээр явуулдаг ч үнэндээ хар ажилчин болгодог. Үүнээс гадна тэднийг хятад хүнтэй гэр бүл болохыг ил далд шахаж тулгадаг. Саяхан Шинжаан-Уйгар дахь цэргийн тойргийн командлал нь уйгар үндэстний дуу бүжиг, хэлийг шамдан сурахыг цэргүүддээ тушаажээ. Энэ ХКН-ын “зөв мэргэн бодлогийг” цөөн тоот үндэстнүүдэд сурталчилах ухуулах зорилготой гэж байгаа ч цаагуураа хятад цэргүүдийг уйгар бүсгүйчүүдтэй гэр бүл болохыг дэмжсэн үйл ажиллагаа гэдэг нь мэдэгджээ. Уйгарчууд олноор амьдардаг тосгон сууринд уйгар хэлтэй залуу цэргийн албан хаагчид очиж эмэгтэйчүүд оролцуулсан арга хэмжээг ихээр явуулах болжээ.
NUUTS.mn
