Оросын сөрөг хүчин С.Шойгугийн 18 сая долларын үнэтэй харш эдлэнг илрүүлжээ
Нийтэлсэн: 2015-10-28 11:22:34
Сергей Навальный тэргүүлдэг Авилгалтай тэмцэх сангийнхан Оросын БХЯ-ны сайд Сергей Шойгугийн 18 сая долларын үнэтэй эдлэн газар харш Рублевка хэмээх баячуудын зуслангийн бүсэд байдгийг олж тогтоожээ. Энэхүү эдлэн нь есөн мянган м2 газартай гэнэ. Сайдын эдлэн хоёр хэсгээс бүрдэх агаад нэгийг нь 2009 онд тухайн үеийн Онцгой байдлын яамны сайд С.Шойгугийн охин Ксения Сергеевна Шойгу худалдан авчээ. Охин тэр үед дөнгөж 18 нас хүрч байсан агаад шууд л 9 сая долларын үнэтэй эдлэнгийн эзэгтэйгээр заларчээ. Хоёрдахь хэсэг нь Антипинна Шойгугийн нэр дээр анх худалдаж авсан байсныг сөрөг хүчнийхэн тогтоосон гэнэ. Антипинна гэдэг нь Шойгугийн эхнэрийн аавын овог аж. Одоо энэ эдлэнгийн албан ёсны эзнээр эхнэрийх нь эгч Елена Антипинна бүртгэгджээ. БХЯ-ны сайд сөрөг хүчний гаргаж тавьсан энэ баримтын талаар ямар нэгэн тайлбар хийгээгүй гэнэ.
NUUTS.mn
