Ш.Сайхансамбуугаас дор хотын удирдлага гэж байдаг л юм байна
90-ээд оны үед “Нарантуул трейд” компаний захирал Ш.Сайхансамбуу Дэнжийн мянгын захыг 50 сая төгрөгөөр хувьчилж авч байсан. Дараа нь одоогийн байрлаж байгаа газар луугаа ямар ч хэл ам хэрүүл шуугиангүй нүүлгэж чадсан. Тэгвэл өмнө нь ганцхан хувийн компаний хийж байсан ажлыг хотын Баатар дарга, ерөнхий менежер, зургаан орлогч, ЗДТГ, захирагчийн ажлын албатайгаа хамтраад хийж чадахгүй хөглөж сууна. Бүхэл бүтэн хотын захиргаа Да Хүрээ захын наймаачидтай учраа ололцож чадахгүй байгаа нь ёстой гайхмаар явдал биз. Төр муу менежер гэдэг. Тэгвэл төрийн албанд дандаа мэдлэгтэй чадвартай хүмүүсийг сонгон шалгаруулж авдаг гэдэг нь худлаа боллоо. 90-ээд оны “Нарантуул трейд” компаний ажилтнуудын дэргэд одоогийн хотын захиргааныхан нь мэргэшсэн байдал, ур чадвар, маркетинг, менежмэнт, хүний нөөц гадаад хэл гээд бүх талаараа 100 хувь илүү гэдэг нь мэдээж. Дээр нь дарга нь улсын баатар хүн байдаг. Гэтэл ганцхан хувийн компани хийж чадсан ажлыг л хийчихэж чадахгүй бантагнаж сууна.
NUUTS.mn
