“Нүүрс”-ний Л.Гансүх “Эм Жи Эл Би Ди” компаниас 449 сая төгрөг бэлнээр авчээ
Нийтэлсэн: 2015-10-27 01:06:32
Монголын улстөрд олон Гансүх бий. Олон нийт тэднийг ялгахын тулд “талх” Гансүх мэтээ нэрлэдэг. Тэгвэл “нүүрс” Гансүх хэмээн гарч ирээд байгаа Шинэчлэлийн Засгийн газрын Ерөнхий сайдын ахлах зөвлөх асан юм. Саяхан “Нүүрс” хөтөлбөрийн хэрэгт холбогдогчдын шүүх хурал сүр дуулиантай болж өнгөрлөө. Ахлах зөвлөх асан Л.Гансүх өөрийг буруугүй, зохиомол хэрэгт унагаж хэлмэгдүүлсэн гэж байгаа ч тэрээр хөтөлбөр хэрэгжиж байх үед мөнгөөр тулйж байсан батлагдсан. Эхэндээ “Эм Жи Эл Би” дараа нь “Эм Жи Эл Би Ди” гэж нэрээ өөрчилсөн хэрэгжүүлэгч компаниасаа нийтдээ 449.1 сая төгрөгийг бүр бэлнээр гаргуулан авахуулж байжээ. энэ их мөнгийг жолооч Г.Баярсайхан нь зөөдөг агаад мөнгөний хэд хэдэн цүнхтэй байсан аж. алх гол сумын иргэдээс мэдээ ирлээ Гэрчээр асуугдсан жолооч нь “...Л.Гансүх дарга намайг “Эм Жи Эл Эс Би” болон “Эм Жи Эл Би Ди” компанид очоод мөнгө аваадах, заримдаа би хэлсэн байгаа тэр мөнгийг аваад ир гэж хэлээд явуулдаг байсан. Миний хувьд дарга Л.Гансүхийн хэлснийх нь дагуу уг мөнгөнүүдийг очиж аваад өөрт нь аваачиж өгдөг байсан. Би дээрх цаг хугацаанд “Эм Жи Эл Эс Би Ди” компаниас 449.1 сая төгрөгийг бэлнээр аваад Л.Гансүх даргад аваачиж өгсөн юм. Ингэхдээ би зөвхөн дарга Л.Гансүхийн хэлснийх нь дагуу л уг мөнгийг очиж аваад Л.Гансүх даргад өгдөг байсан бөгөөд уг мөнгө ямар учиртай мөнгө болохыг мэдэхгүй байна. Мөн компани нь санхүүгийн баримтандаа яг ямар баримт бүрдүүлдэг талаар мэдэхгүй...” ...хэмээн мэдүүлжээ. Мөн “Эм жи Эл Эс Би” компаний тооцооны нягтлан бодогч Э.Чинзоригт мөрдөн байцаалтад мэдүүлэхдээ: “...Г.Баярсайханы эхнэр нь касс дээр ажилладаг байсан болохоор компани дээр ирдэг байсан бөгөөд заримдаа Л.Гансүх даргын хамтаар ирдэг байсан юм. Г.Баярсайхан нь анх нэг хэсэг мөнгө зөөдөг хоосон цүнхийг хэд хэдэн удаа авч ирж байсан юм...” гэжээ. “Нүүрс” хөтөлбөрийн хэрэгт холбогдсон Б.Мөнгөнтуяа нь ахлах зөвлөхийн эхнэрийн дүүгийн охин юм. Тэгвэл аав Батцэнгэл нь мөн “Эм Жи Эл Эс Би”-д няраваар ажиллалаг байжээ. Тэрээр “...манай охин Б.Мөнгөнтуяа нь одоо энэ компани нь нүүрсний борлуулалтын мөнгө их хэмжээгээр орж ирэх учраас хэд хоног найдвартай байдлаар ажиллаач гэж хэлэхээр нь би зөвшөөрч кассын ахлах нярав буюу уг компанийн бүх л нүүрсний мөнгийг бүгдийг нь хариуцдаг бэлэн мөнгөний кассын няраваар нь ажилласан. Хар дэвтэрээс харахад дээрх цаг хугацаануудад Л.Гансүхийн жолооч Г.Баярсайханд 8-н удаа 357.5 сая төгрөгийг бэлнээр өгсөн харагдаж байна. Миний хувьд уг мөнгийг өгсөн зарлагаа мартахгүйн тулд бүртгэж тэмдэглэсэн байна...” гэж мэдүүлжээ. Ийнхүү бараг хагас тэрбум шахам төгрөг бэлнээр гаргуулж авсан агаад энэ нь Л.Гансүх тэргүүтний буруугүй хэмээн өөрсдийгөө өмөөрдөг нь эргэлзээтэй болохыг харуулж байна. Үргэлжлүүлээд “Эм Жи Эл Эс Би” компанийг үүсгэн байгуулагчдын тухай болон хэрхэн нэрээ өөрчилж “Эм Жи Эл Эс Би Ди” болсон тухай хүргэнэ.
NUUTS.mn
