Л.Тогтохбаяр захирагч аа, энэ үнэн үү..?
Нийтэлсэн: 2015-10-23 03:52:13
Алтанбулагийн чөлөөт бүсийн мэргэжлийн хяналт хариуцсан ажилтан халагджээ. Тэрээр өөрийн халагдсан шалтгаанаа согтууруулах ундаа импортлох худалдаах тусгай зөвшөөрөлгүй хоёр компанид ашлагт хийсэнтэй холбон үзэж байна. Халагдсан ажилтан энэ тухайгаа “…миний бие ажиллах хугацаандаа Төрийн хяналтын тухай хууль бусад хууль тогтоомжийг зөрчсөн аж ахуй нэгжүүдэд хууль зөрчсөн талаар тодорхой сануулгыг өгч зөвлөн туслах үйлчилгээг үзүүлж ирсэн… “Оол Монголиан интернэшнл нетворк” , “Солонго инвест” компанид архи согтууруулах, спиртийн өндөр болон сул агууламжтай согтууруулах ундааг импортлох болон худалдах тусгай зөвшөөрөлгүй байсныг илрүүлж зохих шаардлагыг тавьж, танилцуулж захирагч та хэд арай дэндэж байна даа гэж хэлж байсан удаатай” гэжээ. Дээрхи компаниудад шалгалт хийсний дараа Захирагчийн ажлын албаны даргын үүргийг түр орлон гүйцэтгэгч Б.Аригуун Улаанбаатар хотоос утсаар ярьж, “чамайг ажлаас халсан, тушаалаа сонсож бай” гээд утсаар уншиж өгсөн гэнэ. Дараа нь хотод ирж ажлаас халсан тушаалаа үзэхэд ажил тасалсан гэх мэт шалтгаан дурдсан байжээ. Гэхдээ ажилтан “миний бие Спиртийн өндөр болон сул агууламжтай согтууруулах ундааг импортлох болон худалдах зөвшөөрлийг зохих журмын дагуу аваагүй байсныг тухайн компаниудад үнэн байдлыг хэлж сануулсаныхаа төлөө ажлаас халагдах шалтгаан болсон гэж үзэж байна” хэмээн шүүхэд ханджээ. Төрийн далбаа, сүлд залан зургаа татуулсан дарга та “Оол Монголиан интернэшнл нетворк” , “Солонго инвест” компанид хийсэн шалгалтын дараа ажилтнаа халсан тань үнэн үү…?
NUUTS.mn
