“Спейшлайзд карьер консалтинг”-ийн ажилтан ОТ-ын нууц кодыг асуугаад халагджээ
Өмнийн говийн үүц болсон Оюутолгой маань Монголын нутаг дэвсгэр дээр байгаагаас бусдаараа гадныхны гарт бүрэн оржээ. Асар их баялгаа ашиглах хянах эрх маань улам бүр багасан жижгэрч өдөр ирэх тусам монголчуудын хувьд хаалттай бүс болон хувирч байна. Оюутолгойд зөвхөн зочидод гэсэн нэрийн дор моголчууд ашиглах орох эрхгүй өндөр хурдны Wi-Fi сүлжээ байдаг нь саяхан мэдэгджээ. “Спейшлайзд карьер консалтинг” компаний ажилтан гадныхан тусгай интернетийн сүлжээ ашиглаж байгааг мэдээд сонирхоход маш нууцалсан кодтой байсан гэнэ. Тэрээр ажил хэргийн шугмаар Wi-Fi сүлжээг ашиглахаар кодыг нь асуун ОТ-н ажилтанд хандсан биш бөөн асуудал дэгджээ. Мэдээлэл технологи хариуцсан тусгай ажилтан гэх Даниел Кесли гэгч яаран ирж энэ нь монголчууд ашиглах эрхгүй, зөвхөн гадныханд зориулагдсан сүлжээ болохыг ихэмсэг байдлаар тайлбарласан гэнэ. Монгол компаний ажилтан маш өндөр нууцлалын зэрэгтэй интернетийн сүлжээд нь халдах гэлээ хэмээн ОТ-н гадныхан “Спейшлайзд карьер консалтинг” руу дайрч хоёр компаний хооронд маргаан дэгджээ. Энэ зөрчилд юмны эзэн гэдгээрээ гадныхан дийлсэн нь мэдээж. Монгол компани нь ОТ-д ажиллах хүчин нийлүүлэх гэрээтэй тул ажлаа алдаж гэрээ цулагдахаас ихэд айжээ. Энэ явдал монголчууд ОТ-гоо хянаж чаддаггүй гэдгийг бүрэн харуулж байна. Гадныхан өөрсдөө ашигладаг интернэт сүлжээндээ хавьтуулахгүй байхад үүнээс цаашхи олборлолт, борлуулалт, ашиг зэрэг нь бүр нууц байдаг нь ойлгомжтой. Ерөнхий сайдтан Дубайд мундаг гэрээ байгуулж ирээд одоо бидний ОТ-д хяналт тавих эрх улам нэмэгдлээ хэмээн сайрхаж байсан нь худлаа болохыг энэ жишээ харуулж байна. Үүнийг 100 мянган долларын цалин хувааж хүртдэг ТУЗ-ийн “учиртай гурван монгол толгой” засаж чадах болов уу..?
НУУЦ.мн
