Залуу эмэгтэйг ИУ-ын талд элсүүлбэл 5 мянган долларын шагнал өгдөг
Нийтэлсэн: 2015-10-21 11:47:29
Одоогоор Америк, Орос, Баруун нь ИУ-тай “де-факто” дайны байдалтай байна. Лалын тулгуур үзэлтнүүд дайсандаа нутагт нь цохилт өгөх зорилгоор Америк руу 2500, Баруун луу дүрвэгчдийн дүрээр 3900 харин Орос луу хоёр мянган хорлон сүйтгэгчдийг илгээсэн гэж ТЕГ мэдээлсэн.ИУ-ын хорлон сүйтгэх ажиллагааг Иракийн дарангуйлагч асан Саддам Хусейны армийн генерал байсан Ислам аль-Дауди удирддаг агаад тэрээр Зөвлөлтийн үед КГБ-ын тусгай курсээр бэлтгэгдсэн хуучны мэргэжилтэн аж. КГБ-ын бүтээгдэхүүн болсон энэ генерал шинэ дайчин элсүүлэх, хорлон сүйтгэх ажиллагаа явуулах гэсэн хоёр албыг хариуцдаг. Зөвхөн Оросд л гэхэд шинэ хүн элсүүлэх урхидах үүрэгтэй 7.5 мянган агент ажилладаг тухай мэдээлэл байдаг. Агентуудыг ИУ-ын тусгай лагерьд зургаан сар сургаж бэлддэг. Тэдэнд сэтгэлзүй, ховс, хүний биеийн анатоми, сексологи, харилцааны урлаг гээд бүхнийг зааж сургадаг. Хүн бүр ямар нэгэн хэмжээгээр секс, мөнгө, мөрийтэй тоглоом, зээл зэрэгд баригдсан татагдсан байдаг тул урхидагч нар чухам үүн дээр нь л ажилладаг гэнэ. Шинээр элсүүлэсэн нэг шинэ хүний төлөө төвөөсөө 3-10 мянган долларын урамшуулал авдаг. Залуу бүсгүйг ИУ-ын талд татаж оруулж чадвал 5 мянган доллар авдаг. Бүсгүй ирээд байлдах бус харин лалын дайчдын бэлгийн хэрэгцээг хангагч болон хувирна. Хэрвээ нэг том дарга таалж татвар эмээ болговол урхидсан агент нэмэлт урамшуулал хүртдэг. Гэхдээ даргын таалалд нийцлээ гээд бүсгүйн бүх зүйл сайн сайхан болохгүй. Хэрвээ дарга тулаанд алуулбал түүний эмсийг шууд амиа золиослагчдийн эгнээ рүү хүчээр шилжүүлдэг гэнэ. Агент нар нь 15-35 насны эрүүл чийрэг “бараа” явуулах үүрэгтэй. 40-ээс насныхны тухайд онцгойлсон чадвартэй хүнийг л зөвшөөрдөг аж.
NUUTS.mn
