Москвад 73 настай өвгөнийг Украйны тагнуул хэмээн 6 жилийн хорих ялаар шийтгэжээ
Нийтэлсэн: 2015-10-21 03:26:40
Ард түмнийхээ алхам бүрийг мөрдөн шалгадаг Путлерийн дэглэм өөрсдийгөө инээдтэй байдалд оруулах үйлдлийг ч ичиж зоволгүй хийх болжээ. Москва хотын шүүх 73 настай тэтгэвэрийн өвгөнийг Украйны тусын тулд тагнуул хийсэн хэмээн 6 жил хорих ялаар шийтгэжээ. Гар хөл муутай, гарахдаа таяг тулж явдаг өвгөн “аугаа Их Орос”-д хор хохирол учруулах ямар тагнуулын ажиллагаа хийснээ өөрөө л ойлгохгүй явсаар ачигджээ. Харин байрныхаа хөгшчүүдэд Украйнд халдан довтолсныг эсэргүүцэж байгаагаа ярьсан гэдгийг хүлээн зөвшөөрчээ. 73 настай Украйны “Жэймс Бонд”-ыг илрүүлэн баривчилсан нь Холбооны Аюулгүй албаны том амжилт гэж тооцогджээ. Мөн Новосибирск хотод очих хаягаа мартсан 91 настай ахмад дайчныг таксины жолооч зодож хүндээр бэртээсэн хэрэг гарчээ. Галт тэрэгнээс буусан өвгөн такси аван явахдаа нас өндөр тул очих газрынхаа хаягийг санасангүй. Ингээд хотоор баахан давхисны эцэст үнэн учраа хэлтэл таксины жолооч шууд л чирж буулгаад нүдэж орхижээ.
NUUTS.mn
