Танилцсаныхаа нэг жилийн ойн баяраар хайртай бүсгүйнхээ хамрыг муруйлгажээ
Залуу хосуудад сургамжтай нэгэн хэрэг гарчээ. Энэ явдал Хан-Уул дүүргийн 4-р хороо, “Шинэ Өргөө” хорооллын 607-р байранд болсон гэнэ. Олон улсын эдийн засаг мэргэжилтэй, 27 настай Д.Т гэдэг залуу хамтран амьдрагч бүсгүйтэйгээ танилцсаны нэг жилийн ойн баярыг тэмдэглэхээр дэлгүүрээс 0.5 литрийн 6 шил пиво авч уужээ. Залуус баяраа хийн пивоны талыг ууж байтал хохирогчийн мэдүүлснээр “…миний хуучин үерхэж байсан залуу залгасан. Тэр үед Д.Т намайг тэр залуутайгаа уулздаг, гэрт авч ирдэг гэх мэтийн зүйл яриад, хардаад байхаар нь би аяга аваад шилэн хана руу шидэхэд хага үсэрсэн. Тэгээд би уурлаад өөрийнхөө гэр рүү явах гэхэд явуулахгүй гээд зууралдаж байгаад миний нүүр рүү нэг удаа цохисон. Тэгээд би дүү Маралгоогоо дуудаад гэрээс нь гарсан бөгөөд шууд цагдаад өргөдөл бичиж өгсөн. Одоо Д.Т надаас уучлалт гуйж бид эвлэрсэн. Би 100 мянган төгрөгөөр хамраа тэгшлүүлсэн боловч энэ мөнгийг нэхэмжлэхгүй, гомдол санал байхгүй” гэснээр хэргийг хэрэгсэхгүй болгожээ.
NUUTS.mn
