Ж.Сүхбаатар МАН-аас 10 залуу дагуулан гарч МАХН-д элслээ
“Дарханы 100 эрхэм”-ийн нэгээр шалгарсан Ж.Сүхбаатар Ардын намаас 10 залуу урвуулан дагуулаад МАХН-д элслээ. Тэрээр Монголын тусгаар тонтнолыг тунхагласан санал хураалтанд зориулан МАХН-ын хийсэн том хурлын үеэр 10 дагалдагчаа дагуулан тайзнаа гарч ирээд шинэ намд элссэнээ албан ёсоор зарлажээ. Ийнхүү олны таамаг онож таамаглаж байсан хүмүүс хүйтрэхээс өмнө Ху нам руу чөдрөө тасдан гүйж байхад Ардын намынхан Багануурын багахан сонгуульд ялсанаараа өөрсдийгөө тайвшруулж сууна. Ж.Сүхбаатарын хувьд өөрийг нь тоодоггүй намд өтөлтлөө суух ямар ч хэрэггүй нь мэдээж. О.Магнайгаас илүү улстөрийн ирээдүйтэй, Д.Аюурсайханаас илүү зарчимч тэрээр насны залууд эртхэн “цементлэгдээгүй” газар луу явсан нь зөв шийдвэр байсан. Ардын намын архагуудыг байр сууриа тавьж өгөхийг хүлээвэл 70 оныхон байтугай 90 оныхон ч “их санасан газар ес хоног хоосон хононо” гэгчийн үлгэр болно.
NUUTS.mn
