Кобэгийн бүлэг тусгаарласнаар Якудзад цуст дайн дэгдэх аюул нөмөрчээ
Нийтэлсэн: 2015-10-20 08:04:25
Дэлхийд алдаршсан мафийн бүлэглэл якудзад дотоод цуст дайн дэгдэж магадгүй хэмээн Арлын орны цагдаагийнхан эмээж байгаа гэнэ. Энэ аюулыг намжаах саармагжуулах зорилгоор “Ямагучи-гуми” бүлэглэлийн томоохон толгойлогчдын нэг Кэнжи Эгутийг баривчилж хорьжээ. Мөн бас нэгэн нөлөө ихтэй боссыг гэрийн хорионд оруулжээ. Тэр хоёрыг мөнгө угаах үйлдлээ нуун далдлах зорилгоор хуурамч компани байгуулсан гэх үндэслэлээр баривчилсан гэнэ. Голлох толгойлогчдыг нь баривчилснаар “Ямагучи-гуми”-гийн удирдлагыг саармагжуулж улмаар дотоод зөрчил тэмцлийг нь намжаана гэж цагдаагийнхан тооцоолсон хэмээн “Киодо цусин” агентлаг мэдээлж байна. Өнгөрсөн сард энэ алдарт бүлэглэлд дотоод хямрал дэгдэж Кобегийн талынхан гэх 3 мянган гишүүн нь тусгаарлаж бие даасан бүлэг байгуулсан билээ. Үүнээс үүдэн мафийн бүлэглэлийн дунд цуст дайнхэзээ мөдгүй дэгдэх аюул тулгараад байна.
NUUTS.mn
