Нууц мэдээллийн уурхай

Уудаг иддэг сайд нараас залхсан нэг хэсэг нь М.Зоригтыг сайд болоход дэмжиж байсан. Сүхбаатараас сонгогдсон гишүүн хангалттай хөрөнгөтэй тул идэж уухгүй, өөрөө идэж уугсадыг шүүмжилдэг тул тийм зүйл хийхээргүй ёс зүй бага боловч байгаа гэж найдаж байсан. Гэтэл МИАТ-ын хоёр тэрбум төгрөгийг өөрийн оролцоотой “Голомт” банк руугаа татах чиглэл үүрэг өгч байснаар тэр хүмүүсийн найдлага салхинд хийслээ. Бас л нэг иддэг уудаг нөхөр далд сонирхол нарийн төлөвлөгөөгөөр сайдын суудалд гарчээ. Тэр сонирхол нь хувийн банкаа аврах, тэр төлөвлөгөө нь Төрийн банкыг үнэгүйдүүлж байж аваад өөрийн банкаа бас л аврах байсан бололтой. М.Зоригт сайд Новосибирскийн нислэг энэ тэрээр МИАТ-ын гүйцэтгэх захирал Г.Жаргалсайханг айлгаад арга хэмжээ авна гэж дарамтлаад байсны цаана нь ердөө нисэхийн ганц компанийхаа мөнгийг “Голомт”-д байршуулах л гэсэн атгаг санаатай байж. Үүний тулд хөөрхий гавьяат нисгэгчийг байнгийн айдастай хэдэн сар явуулжээ. Айлгаад байвал хэлсэнийг нь үг дуугай дагана гэж тооцоолж. Ингэсний хүчинд МИАТ-ын хоёр тэрбумыг банкиндаа хийлгээд авч. Гэсэн ч тэр нь муудаж байгаа банкинд нь юу ч болохгүй биз.  Үүнээс том дусал залгуулж байж л сэхэл авна.  МИАТ-ын захирлыг дарамталж мөнгө хийлгэдэг сайдтан  одоо шударга ёс, авлигалын эсрэг тэмцэл, ашиг сонирхолын зөрчлийн тухай  жиргээд ч хэрэггүй. Ажлаа бушуухан өгөөд авьяасаа хөгжүүлэн хүүхнүүдийнхээ зургийг дараад явж байвал таарна.

 

НУУЦ.мн