Г.Алтан, ТӨХ хоёр МАН-ын эсрэг нэгджээ
Зандан ерөнхий гэдэг мундан генсектэй байх үедээ МАН нь Лениний музейг барьцаалан алдар бизнесмэн хатагтай Г.Алтангаас баахан доллар зээлчихсэн. Өдгөө тэр зээлээ төлөх нь бүү хэл аппаратынхаа цалинг тавьж чадахгзйдээ тулаад байгаа. Энэ зуур ТӨХ нь Лениний музейг төрийн өмч болохыг нь шүүхээр тогтоолгоод авсан. Одоо төр нь өмчөө зээлдүүлэгч зээлээ авахаар хөдөлж. Тэр хоёр нэг “дайсантай” тул хоорондоо тун амархан хэл амаа харилцан ажиллагаагаа зохицуулсан гэнэ. ТӨХ нь Лениний музейг Г.Алтангийн зээлийн барьцаанаас чөлөөлөх, бизнес хатагтай хариуд нь Лениний музейг зээлийн барьцаанаас чөлөөлөхийг зөвшөөрч хариуд Тусгаар тогтнолын ордныг зээлийн барьцаанд авах чиглэлээр хамтран ажиллаж бие биендээ дэмжлэг туслалцаа үзүүлэхээр болжээ. Ийнхүү МАН нь “хадны завсар хавчуулсан халиуны зулзага” лугаа тун хүнд байдалд ороод байна. Намын одоогийн удирдлага нь Г.Занданшатарыг генсек байхдаа санхүүгийн байдлыг улам хүндрүүлсэн хэмээн буруутгадаг. Саяхан Стенфордын судлаач номын нээлтээ хийхэд намын дарга, генсек, У.Хүрэлсүх нар очоогүй. Томчуудаас Ж.Бямбацогт, сүүлийн үед гэрлийн хурдаар дээшилж байгаа Б.Цогтгэрэл нар л очиж баяр хүргэжээ.
