Нууц мэдээллийн уурхай

Үүлэн борооны ажилд эрчүүд тэсэж үлдэх эсэх нь улам бүр эргэлзээтэй болж байна. Америкд “Эдди” гэдэг нэртэй эмэгтэйчүүдийн “виагра” худалдаалагдаж эхэлжээ. Судлаачид энэ бэлдмэл дээр 10 жил гаруй ажилласан агаад саяхан буюу 8-р сарын сүүлээр л Америкийн Холбооны  эрүүл мэндийн бараа бүтээгдэхүүний чанарыг шалгах хороо /FDA/-ноос худалдаанд гаргах зөвшөөрөл өгөгджээ.  Эрчүүдийн виагра цэнхэр өнгөтэй бол “Эдди” нь нил ягаан өнгөтэй гэнэ.  Олон жилийн турш эрчүүдийн хэрэглэж ирсэн виагра нь бэлхүүс тааз орчмын цусан эргэлтийг эрс сайжруулах замаар бэлэг эрхтний хөвчрөлтийг нэмэгдүүлж удаан хугацаанд “барих” үүрэгтэй байсан. Тэгвэл эм виагра нь  сэтгэл санааг тайвшруулах стресс арилгах үйлчилгээтэй эмэн дээр суурилагдаж бүтээгджээ. Тийм учраас эрчүүдийнх шиг  доод талаас бус харин дээрээс буюу тархинаас эхэлж үйлчилдэг. Энэ онцлогоосоо болоод “Эдди”-г долоо хоногт 2-4 удаа хэрэглэх заавартай.  Эм виаграны эхний туршилтанд 11 мянган эмэгтэй хамрагдсан агаад үр дүн нь шууд л нүүрэн дээр нь илэрсэн гэнэ. Зориуд бэлгийн  хөрөлттэй эмэгтэйчүүдийг оролцуулахад хүртэл тэдний бэлгийн дур хүсэл нь эрс нэмэгдсэн гэсэн дүн гарчээ.  Сексологичдын баталж байгаар “Эдди” нь эмэгтэй хүний дур хүслийг доод тал нь 60 хувиар өсгөдөг гэнэ.
 

NUUTS.mn