Н.Номтойбаярын “Дорнод сэргэн мандалт” сэтгүүл 2 өрөө байрны хонжвортой
УИХ-ын гишүүд сонгуулийн сурталчилгаандаа оржээ. Гишүүд бүгдээрээ дахин бас дахин сонгогдох хүсэлтэй яваа. Тэдний дундаас нас залуугаараа Н.Номтойбаяр ихэд яарч байгаа байгаа бололтой. Сонгуулийн тухай хуулиар элдэв төрлийн хонжворт сугалаа, эд хөрөнгө амласан үйл ажиллагаа явуулахыг хориглодог. Тэр хориглосон цаг ирэх хүртэл амжаад нэлээд ажил амжуулчих гэсэн гишүүд зөндөө гарчээ. Дорнод аймагт Н.Номтобаярын “номтой” хүн шиг авахуулсан нүүр зурагтай “Дорнод сэргэн сандалт” гэдэг сэтгүүл тараагдаад эхэлжээ. Гэхдээ сэтгүүлийн хамгийн гоё “юм” нь нүүрэндээ бус дунд нь бус харин хамгийн арын хуудсанд байна. Сэтгүүл уншигчиддаа “Дорнод сэргэн мандалт” гэдэг хонжворт сугалаа зарлажээ. Хамгийн том шагнал хоёр өрөө байр гэнэ. Дорнодод хоёр өрөө байр 100 гаруй сая төгрөгөөс яригддаг. Тэгвэл гишүүний “Дорнод сэргэн мандалт” сэтгүүлийг хаялгүй гээлгүй аваад аз таарвал хоёр өрөө байртай болж өөрийнхөө амьдралыг ч “сэргээн мандуулж” болох гэнэ. Бусад хонжворыг нь уншигч та өөрөө харна уу. Ийнхүү ихэд яарч байгаа Н.Номтойбаяр гараанаас түрүүлээд гарчээ. “Гүүтэй айлын гүзээтэй хүүхэд” гэсэндээ нэлээд бярдаж мөнгөөр зодоод эхэлж. Тэрээр сурталчилгаандаа ийнхүү эртнээс их мөнгө хаян эхэлж байгаагаас үзэхэд ирэх сонгуулиас айж байгаа бололтой. Гишүүн болсноосоо хойш хутга шөвөгтэй холбогдоод тойрогт нь нэр хүнд нь уначихсан. Өдгөө өөд татах гэж энэ мэт юм ихийг хийх байх даа…
NUUTS.mn
