Хүүхдэд үлгэрийг ээж нь бус аав нь уншиж өгөх нь тустай
Америкийн Харвардын их сургуулийн судлаачдын багийн баталж байгаагаар үдшийн үлгэрийг ээж нь бус харин аав нь уншиж өгөх нь хүүхдэд илүү ашиг тустай байдаг гэнэ. Учир нь аав нь уншиж өгөх үед хүүхдийн ургуулан бодох, төсөөлөн бодох чадвар илүү хөгжиж байдаг аж. Судлаачид бүтэн жилийн турш ээж аав нь үлгэр уншиж өгдөг хүүхдүүдийг тусад нь ажиглан судалжээ. Судалгааны явцад аав нар “ажиллах” үед хүүхдийн ярианы чадвар илүү хөгжиж байгаа нь илт ажилагдсан. Эргэтэй хүн аливаа зүйлийг бүтээлч маягаар харилцан ярилцдаг бол эмэгтэй хүн энэ тал дээр хэтэрхий загварчилсан, хэв маягт баригдсан байдаг. Жишээ нь хүүхдийн номны зурган дээрээс ээж нар ихэвчилэн модонд хэдэн алим байна вэ гэх мэт мэдээжийн асуулт ихэвчилэн асуудаг аав нар хүүхдийн сэтгэхүйг хөгжүүлэх “чи энэ модыг харж байна уу, өнгөрсөн амралтын өдрөөр салхинд гарах үед ойд ямар ямар мод байсан билээ, навч нь адилхан байна уу өөр байна уу” гэх мэтээр асууж байжээ. Аав нар хүүхдэдээ багаас нь бүр тодруулбал хоёр настайгаас нь эхлэн ном уншиж өгөх нь хүүхдийн сэтгэхүйн хөгжилд маш их нөлөө үзүүлдэг. Гэтэл үүнийг олон жилийн турш ээж нар эсвэл эмээгийн хийдэг ажил мэтээр ойлгож иржээ. Хүүхдийн ургуулан бодох төсөөлөн бодох чадвар сайн хөгжиж байгаа үед хэл ярианы чадвар дагаад илт сайжирдаг. Үлгэр ном уншиж өгөх нь хүүхдийн үгийн баялагийг маш их нэмэгдүүлдэг аж.
NUUTS.mn
