Дэлхийд орос Путин монгол А.Мөнхбат хоёр хүчээ гайхуулж байна
.jpg)
Америк Англитай хамтраад дарж чадаагүй Исламын улс бүлэглэлд Орос хүчтэй цохилт өгч дэлхий даяараа Путины сүр хүчийг гайхаж байна. Тэгвэл түүнтэй зэрэгцэх бас нэг алдартан олон улсад “хүч төгөлдөр” гэдгээ гайхуулж байгаа нь МЗХ-ны Ерөнхийлөгч А.Мөнхбат аж. МЗХ-ны удирдагч олон улс дэлхийн тавцнаа сүр хүчин төгс гэдгээ үнэхээр гайхуулж байвал моголчуудын бидний ч бас бахархал омогшил биз. Гэхдээ А.Мөнхбатыг чухам юугаараа олон улсад гайхагдсаныг бодоод бодоод олохгүй юм. Хэрвээ гайхагдсан бол Ц.Элбэгдоржоос илүү гарчээ гэмээр. Гэтэл Ерөнхийлөгчтөн олон улсад “гайхагдах” гээд байнга гадаадад айлчилж болсон болоогүй бүх хурал зөвлөгөөнд нь очдог тул төрийн тэргүүний урд ормооргүй юм. Ерөнхийлөгч ч тэгж оруулахгүй. “Дайчин удмын үргэлжлэл” гэдэг тухайд маргах юм алга. А.Мөнхбатыг хэлэлтгүй бүх монголчууд гадаадад гарахаараа Чингисийн удам гэж цээжээ дэлддэг. Гэхдээ 1206 оны үед Их хааны дэргэд залуучуудын гэх ямар нэгэн байгууллага байсан эсэх нь тогтоогдоогүй. Мөн хар цагаан жагсаалт үйлдээд Их хаанд нэр дэвшигчдийг баалж байсан нь нотлогдоогүй. А.Мөнхбатыг олон улсад гайхагдсан тухай шуугиан дэгдээж байгаа залуус нь залуучуудын гэх байгууллагаас гаралтай бололтой. Гэхдээ даргаа дэлхийд гайхагдсан гэх нь арай л дэндэнэ. Тэрний оронд Монголдоо гайхагдлаа гэвэл хүн үнэмшинэ. Учир нь А.Мөнхбат сүүлийн үед “гайхагдахаар” олон ажил хийж яваа.
NUUTS.mn
