С.Эрдэнэ сайдын охин “Төгс-эрдэм сан” ТББ-ыг удирддаг
ХАХНХ-ын сайд С.Эрдэнэ хөгжлийн бэрхшээлтэй хүүхдүүдийн өргөөг “дээрэмдсэн” гэх шуугиан дэгдээд байна. Өдгөө “Шонхор тауэр” гэдэг нэртэй болсон өнөдр шилэн барилгын түүх нь “Төгс-эрдэм” сан ТББ-д 2010 оны зургадугаар сарын 29-ний өдөр Нийслэлийн Засаг даргын 431 тоот захирамжаар Сүхбаатар дүүргийн нэгдүгээр хорооны нутаг дэвсгэр, “UB mart” худалдааны төвийн зүүн урд талд газар олгосоноос эхэлжээ. Уг газрыг Нийслэлийн Засаг дарга бөгөөд Улаанбаатар хотын захирагчийн 2009-2012 оны үйл ажиллагааны хөтөлбөрийг хэрэгжүүлэх, хөгжлийн бэрхшээлтэй хүүхэд, залуучуудад боловсрол олгох сургалтыг дэмжих зорилгоор сургалтын төвийн барилга барих зориулалтаар “Төгс эрдэм” сан ТББ өмнө нь авсан ба 0,033 га талбайтай байжээ. Энэ санг С.Эрдэнэ сайдын охин үүсгэн байгуулсан агаад хөгжлийн бэрхшээлтэй хүүхдийн сургалтын төв барьж өгнө хэмээн сайдтан амалж байж. Гэтэл хүүхдүүдэд зориулж босгосон “Шонхор” тауэр нь оффис үйлчилгээний газар болон хувирчээ. Эхний гурван давхарт кафе, зоогийн газар ажиллаж дөрөвдүгээр давхарт нь “Төгс эрдэм сан” ТББ гэдэг хандив үзүүлдэг газрын хаяг харагдана. Хажууд нь Архангай аймгийн нутаг орны байгууллага гэсэн өөр нэг хаяг, мөн үндэсний сагсан бөмбөгийн холбоогоо дөрөвдүгээр давхарт, харин тавдугаар давхар Ардчилсан хүчний холбоо гэх С.Эрдэнэ гишүүний удирддаг холбоо байрлажээ. Мөн тэнд нь Ардчилсан залуучуудын холбоо”-гоо орсон гэнэ.
NUUTS.mn
