Да.Ганболдыг 80 нас хүрэхэд Монгол ОТ-гоос анхны ашгаа авна
Монгол Улс өмнийн говийн үүц болсон Оюутолгойгоос ашиг хүртэх хугацаа улам бүр цаашилсаар байна. Саяхан Ерөнхий сайд Ч.Сайханбилэг 2037 онд анхны ашгаа авна хэмээн тоосон шинжгүй мэдэгдлээ. Үүнийг нь ТУЗ-д суудаг Да.Ганболд, Б.Бямбасайхан, Ч.Отгочулуу нар баталлаа. Жилдээ 100 мянган долларыг хувааж авдаг энэ гурвын хамгийн ахмад нь Да.Ганболд агаад 33.3 мянган доллар жилдээ хүртдэг тэрээр 2037 онд 80 нас зооглох аж. 80 насны баяраа Оюутолгойгоос авах анхны ашгийн хэдэн доллартай хамтатган тэмдэглэх их хувь заяа түүнд тохиосон байна. Тэр үд Б.Бямбасайхан нь 60, Ч.Отгочулуу нь 50 шахаж байх гэнэ. Гадаадыхны эрх ашгийг цуцалтгүй хамгаалагч гэгдэн УИХ-ын чуулганы танхимд шүүмжлэгдсэн тэр гурав цаад хэдэн шар толгойтнуудда үнэлж баршгүй чухал хүмүүс биз. Чухал хүмүүсээ урт наслуулж удаан жаргуулах тал дээр ОТ нь анхаарч өндөр цалингаас гадна олон тусгай хангамж эдлүүлдэг байх.
НУУЦ.мн
