Сирид Оросын гуравдахь онгоц сөнөөгдөж нисгэгч нь олзлогджээ
Нийтэлсэн: 2015-10-14 06:08:44
Дарангуйлагч Башар Асадын дэглэмд дэмжлэг үзүүлэн Исламын улс бүлэглэлд агаараас цохилт өгч байгаа Оросын хүчний гуравдахь онгоцыг устгаснаа “Исламын арми” бүлэг мэдээлжээ. Исламын улсын бүтцэд хамаардаг энэ бүлэг Дамаск хотын ойролцоох бүсэд байлдааны үүрэг гүйцэтгэж байсан Оросын сөнөөгч онгоцыг устгаж байгаа бичлэгээ олон нийтэд цацжээ. Бичлэгт газраас харвасан пуужин онгоцыг онож улмаар нисгэгч нь үсэрч байгааг харуулжээ. Байлдааны бүсээс мэдээ бэлтгэдэг Туркийн “Quasioun News” агентлагийнхан Оросын онгоц устгагдсаныг батласан ч сэгийг нь олоогүй гэдгээ мэдэгджээ. Оросын тал анхны хохирлоо 10-р сарын 1-нд амсаж “су-24” онгоцоо алдсан. Дараа нь “су-25” нь сөнөөгдсөн бол энэ удаагийнх нь гуравдахь хохирол нь гэнэ. Онгоц сөнөөгдөж нисгэгч нь олзлогдсон нь Оросд ялангуяа Сирид байлдаж байгаа цэргийн ар гэрийнхэнд сандрал шуугиан дэгдээжээ. Өмнө нь ИУ бүлэглэл олзлогдсон йордан нисгэгчийгамьдаар нь шатааж байсан. Цэргүүдийн ар гэрийнхэн БХЯ-наасаа үнэн зөв мэдээлэл өгөхийг шаардаж байгаа гэнэ.
NUUTS.mn
