Хүргэндээ цайны газраа өгсөн захирал, хүү нь тендер авсан Үүл баатар хоёр юугаараа ялгаатай вэ ?
Хотын нэгэн сургуулийн захирал эмэгтэйг АТГ ашиг сонирхолын зөрчилтэй гэж үзжээ. Захирал нь хүргэнийхээ компанид сургуулийнхаа “Үдийн цай” хөтөлбөрийг цайны газрынхаа хамт өгчихөж. Өгөхдөө хүргэнийх нь компани гэдгийг мэдэж байсан гэнэ. Харин Үүл баатарын хувьд ондоо. Нийслэлээс зарласан гэр хорооллын дахин төлөвлөтийн сонгон шалгаруулалтанд олон компани оролцсоноос “Грандлайн”-ийг шалгарчихсан чинь хүү Чулуудайгийнх нь байж таарчээ. Хүүгээ өөрийнх нь удирддаг хотын маш том тендерт оролцож байгааг “мэдээгүй” болж таарсан гэмээр. Бараг л энэ “шалтгаанаар” АТГ нь хотын дарга хүүгийнх нь компани тэрбум тэрбумаар яригдах том тендерт шалгарсантай ямар ч холбоогүй, ашиг сонирхолын зөрчилгүй гэж үзсэн байх. Сургуулийн захирал, Үүл баатар нар нь хоёрхон зүйлээр ялгаатай. Нэгнийх тендер 10-20 сая ч хүрэхгүй бол нөгөөгийнх нь тендер 4-5 тэрбумаар яригдана. Захирал эмэгтэй хүргэнийх нь компани гэдгийг мэдэхийн дээдээр мэдэж байсан бол хотын дарга хүүгийнх нь компани гэр хорооллын дахин төлөвлөлтийн тендерт оролцож байгааг “мэдээгүй”. Уг нь ёс зүйгээ бодсонсон бол Үүл баатар хүүдээ хотын тендерт бүү оролц, хэл амны нэмэр гээд хорьчих байсан юм. Хүү нь ч гэсэн муу аавынхаа нүүрийг улалзуулаад яахав гээд хотын ажлаас холхон явж болохоор байсан даа.
NUUTS.mn
