Заяаны ханиа олох гэсэн эмэгтэй 22 орны 76 эртэй болзож үзжээ
Бэмби Смит гэдэг 47 настай авсрали зохиолч эмэгтэй заяаны ханиа олох бас сэтгэлзүйн судалгаа хийхээр дэлхийг тойрон аялж 22 орны 76 эртэй болзож үзжээ. Гэсэн ч нөхөр болох хүнээ олоогүй ч аяны олзонд “Men on the Menu” гэдэг ном бичжээ. Орон орны эрчүүдтэй болзон гурван сар аялахдаа Мадоннатай явалдаж байсан гэх эр, Монголын хурган дарга, Ватиканы залуухан лам болон цуврал алуурчин болох далд хүсэлтэй унгар хүнтэй гээд янз бүрийн харчуудтай учирч болзжээ. Бэмби аль нэг оронд хийсэн болзоогоо тухайн үндэстний хоолны урлаг соёлтой хослуулж явжээ. Нэг үгээр хэлэхэд сайхан эртэй хамт сайхан хоолыг нь бас амталж үзэж байсан гэнэ. Зохиолч бүсгүйд хамгийн романтик сэтгэгдэл төрүүлсэн нь Стефано хэмээх итали эр, итали гал тогоо, шөнийн Ром хотоор хийсэн зугаалга байжээ. Европын орнуудад эрчүүдтэй нь болзоход хялбар байсан бол Орос, Япон, Кубад янз бүрийн асуудал тулгарсан гэнэ. Мөн болзсон эр бүртэйгээ энгэр зөрүүлээгүй гэдгээ эмэгтэй баталж. Гурван сар зарцуулсан аялалын дүнд нөхөр болох хүнээ олоогүй ч муугүй ном бичсэн хэмээн баяртай байгаа аж.
NUUTS.mn
