Нууц мэдээллийн уурхай

Оросын дарангуйлагч Сталин өрөөсөн гаргүй большевикд сайд хийхийг санал болгожээ. Цаадахь нь би гаргүй хэмээн татгалзсанд “зүгээр, манайд толгойгүй хүн сайд хийгээд яваад байхад гар зэрэг бол гайгүй байна” гэсэн гэдэг. Тэгвэл АН-аас “бөлдөггүй”, “бөндгөргүй” сайд олноороо төрөх болсоны нэг нь ЗТ-ийн М.Зоригт юм. Тэрээр ажлаа авангуутаа Н.Төмөрхүүгийн багийг “төрөөс төрсөн тэрбумтан”, “160 долларын сэтгүүл зардаг” гэж ад үзсээр хөөгөөд явуулж оронд нь А.Гансүхийн багийг авчирч тавьлаа. Энэ баг нь Гансүхийх нэртэй ч үнэндээ “Женко”-гийнх гэдэг нь ойлгомжтой. Дээр нь Баабар хүртэл зөвлөх нэрээр хүн шургуулчихсан. Монголын хоёр том “гавал” толгой ирчихээд байхад шинэ сайдад “бөндгөр” үнэндээ хэрэггүй гэдэг нь илт болсон. Өмнөөс нөгөө хоёр том толгой бодоод шийдчихнэ гэдэг нь мэдээж.  Өөрөө хүсээгүй ч өрөөлийн хоёрын хоёр тагнуулч, мэдээлэгч “бөндгөрийг” хажуудаа авахаас өөр аргагүй болсон М.Зоригт надад ч гэсэн өөрийн бөндгөр бий хэмээн зүтгэж байгаа гэнэ.  Гэхдээ одоогийн нөхцөлд “бөндгөртэй” байсны оронд “бөлдөгтэй” байх нь хоббид нь илүү хэрэгтэй гэнэ.
 

НУУЦ.мн