Лу.Гантөмөрийн бүх “Боловсролын тэргүүн”-ийг Д.Сумьяабазар хуурайлжээ
.jpg)
Саяхан Монголын багш нарын баярын өдөр тохиолоо. Багш нар нь сурагчид шавь гээд нэлээд их сүлжээтэйд тооцогддог тул улстөрчдийн хувьд чухал, сонгуулийн үед хэрэгтэй хүмүүсд тооцогддог. Багш нарын “шавь” гэсэн сүлжээг чадамгай ашигладаг гишүүний нэг нь “Ажнай” Д.Бат-Эрдэнэ юм. Түүний сонгууль дөхөөд ирэхээр хийдэг амраадаг, газар үзүүлдэг аялуулдаг арга хэмжээнд нь голдуу багш нар л явдаг. Тэгвэл Ардын намаас ийм нэгэн “ухаалаг” гишүүн тодорсон нь аварга Д.Сумьяабазар гэнэ. Тэрээр саяны багш нарын баяраар “төрөлх” тойрог болох Сонгинохайрханы багш нарыг одон тэмдэг жуух бичгээр дарах шиг болжээ. Нийтдээ “боловсролын тэргүүний” 40, яамны жуух бичиг 60 ширхэгийг тус тус тараан бараг 100 гаруй багшийг шагнажээ. Шагналын хур буулгасан гишүүнийг магтахаас яахав.. Түүний Лу.Гантөмөрөөс нэг дор тийм олон тэргүүний тэмдэг бас жуух бичиг хэрхэн салгаж чадсан нь гайхалтай. Яамны хэд ахиад бааханыг захиалж хийлгэхгүй бол нөөцөнд байсан хэд нь бараг дуусгасан сурагтай. Гэтэл цаана нь АН-ын зарим нөхөд тойрогтоо тараах гээд гуйж хөөцөлдсөн боловч олдоогүй гэнэ. Дөрвөн жил сайд хийдээ номын сан нь кофе шопоос илүү үнэтэй хэрэгтэй гэдгийг хүүхэд залуусд ойлгуулж чадаагүй сайдтан яамныхаа одон тэмдгийн нэр хүндийг нэг их хайхардаггүй бололтой.
NUUTS.mn
