Чингис хотын “Ундрага” зочид буудалд 15-17 настнууд бэлгийн харьцаанд орж байна
Нийтэлсэн: 2015-10-07 03:38:14
Мөнгө орлого хөөсөн зочид буудлууд хэзээ үйлчлүүлэгчдээсээ иргэний үнэмлэхийг нь шаарддаг болох бол…Зочид буудал ердөө энэ үүргээ биелүүлээгүйгээс гэмт этгээдүүд насанд хүрээгүй охидыг чөлөөтэй хүчирхийлэх байр сав нь олддог болсон. Хөдөөд бүр чөлөөтэй болжээ. 21 настай Д.Х, мөн нас чацуу Б.Э болон 17-той С.Э нар нь бүлэглэн 16 насанд хүрээгүй хоёр охиныг Хэнтий аймгийн Чингис хотын “Ундрага” зочид буудалд хүчирхийлсэн хэрэгт холбогджээ. Бусармаг этгээдүүд охидыг согтож унагаад зочид буудалд авч оржээ. Буудалд орсон хойноо нэмж архи пиво уулган ямар нэгэн эсэргүүцэх чадваргүй болгоод чөлөөтэй хүчирхийлсэн гэнэ. Энэ хооронд охидын ээж аав нь хүүхдүүдээ хайн шөнийн 4 цаг хүртэл Чингис хотоор явсан аж. Хорь гарсан залуус охидыг 16 насанд хүрээгүй гэдгийг мэдэж байж. Насанд хүрсэн том залуус явж чадахгүй шахам болсон жаахан охидыг аваад буудалд ороход шууд л өрөө гаргаж өгчээ. Гэтэл тэр өрөөнд нь хүчингийн хэрэг үйлдэгдсэн байна.
НУУЦ.мн
