Хөдөлмөрийн сайдын “тэмдэг” түмнээс онцгой
Монголын улстөрчид хаа явсан газраа хар бараан мөр үлдээж байдаг. Хааяа жаахан ч гэсэн гайгүй ажил хийхээрээ өөрсдөө түүнийгээ баллаад хаячихдаг. Манай дарга нар ард түмнийхээ төлөө том зүйл хийх чадваргүй тул голдуу жижиг сажиг ажил хийдэг. Хөдөөд худаг гаргах, хэдэн мал өгдөг бол хотод гудамж гэрэлтүүлэх, гүүр тавих мэтээр ноцолддог. Ялихгүй юм хийдэг атлаа түүнийгээ сурталчилах жигтэйхэн дуртай. Бүр хаяг самбар хадаж байгаад миний хийсэн ажил шүү гэдгийг тойргийн хэддээ ухааруулах гэдэг. Хөдөлмөрийн сайдтан сул гишүүн байхдаа ийм нэгэн гүүр бариулсан. Гүүрэн дээрээ “УИХ-ын гишүүн миний бариулсан гүүр болой” гэсэн хаяг хадсан нь салхи шуурганд уначилгүй одоо болтол тэсэж үлдсэн нь гайхалтай. Бараг л гүүрнээсээ бөх бат хаяг самбар гэмээр. Хаа явсан газраа хаягаа үлдээх дуртай сайдтан Хөдөлмөрийн яамны үүдэнд бас ийм хаяг босгож баллах вий дээ…
NUUTS.mn
