Япон хүүхдүүд яагаад сургуульдаа ганцаараа явж чаддаг вэ ?
Нийтэлсэн: 2015-10-06 10:15:04
Яагаад гэвэл энэ оронд гэмт хэргийн түвшин маш бага, гудамжны хулгай дээрэм гэж бараг гардаггүйтэй холбоотой аж. Энэ хамгийн гол шалтгаан гэнэ. Түүнээс гадны Японы хотуудын нийтийн тээврийн чиглэл, зохицуулалтыг манай дарга нар шиг хүмүүс хийдэггүй тул чиглэл маршрут нь маш ойлгомжтой, нэг автобусаар хол явж болдог, нийтийн тээврийн унаа нь цагтаа ирдэг цагаа сайн баримталдаг гэнэ. Уламжлалын хувьд эртнээс япончуудад явган алхах сэтгэлгээ их тархсан. Японы хотуудын ихэнхи иргэд нь явган алхах дуртай, автомашиных нь урсгалд нийтийн тээвэр нь зонхилдог. Токио хотын автомашины урсгалын тал хувийг трамвай, автобус эзэлдэг бол хүмүүсийнх нь ¼ нь ажилдаа явган явдаг гэсэн тооцоо гарчээ. Жолооч нар нь замыг явган хүмүүс, дугуйгаар зорчигчидтой хуваан зохицон ашиглаж сурсан, гарцгүй газар ч зам тавьж өгдөг. Тийм учраас япон эцэг эхчүүд хүүхдээ сургуульд нь санаа амар ганцаар нь явуулдаг. Энэ нь хүүхдэд бие даах чадвар хариуцлага суулгах сайн талтайгаас гадна энэ орны нийгэмд тогтвортой байдалдаа итгэх итгэл ямар хүчтэй байгааг харуулдаг. Түүнээс гадна хэрвээ шаардлагатай гэж үзвэл ойролцоо гэртэй эцэг эхчүүд нийлэн хүүхдээ бөөнөөр нь буюу багаар нь сургуульд явуулдаг. Ганцаараа явж чадахгүй хүүхдүүд багт ордог агаад бүгд бие биенийхээ аюулгүй байдлын хариуцлага хүлээдэг. Ингэснээр арлын орныхон багаасаа л багийн итгэл хариуцлага зэрэгт суралцаж жинхэнэ багийн тоглогч болдогоороо манайхнаас ялгаатай.
NUUTS.mn
