ИУ бүлэглэлийн устгасан түүх соёлын 10 дурсгал
Нийтэлсэн: 2015-10-06 06:12:20
Өчигдөр ИУ бүлэглэл 14 м өндөр Ялалтын хаалга хэмээх түүх соёлын дурсгалыг устгасанаа зарласан. Уншигчидаа лалын хэт туйлшрагчидын гараар устгагдсан дэлхийн болог мусульманы ертөнцийн өөрийнх нь түүх соёлын хосгүй үнэт дурсгал болох сүм дуган, хөшөө баримлын жагсаалтыг хүргэе :
6-р сарын 28-нд “Арслан Аллат” хэмээх хөшөөг дэлбэлжээ
8- сарын 23-нд эртний Финикийн үр тариа үржил шимийн бурханд зориулсан Баалмишины сумийг нураажээ.
8-р сарын 30-нд дээд бурханд зориулан барьсан Бэлагийн сүмийг устгажээ.
9-р сарын 4-нд Загалмайн хөндийд үлдэж хоцорсон сүүлчийн гурван мөргөлийн цамхагийг нураасан.
8-р сарын сүүлээр Пальмирын музейн захирал, Сирийн нэрт архелогич 82 настай Хаеда Аль Асадыг баривчилан зэрлэгээр тамлаад толгойг нь авчээ. Исламын улсын дайчид Мосулын хотын эртний ассир парфяны түүх соёлын дурсгалтай музейг нь дээрэмдэж талжээ. Алеппо хотын эртний Сельжукын үеийн зах сүм зэргийг бүрэн нураасан. Хуучин Хомес хэмээх хотын Ибн аль-Валидын сүмийг нураасан. Сирийн Дераа мужийн Бусра хотод үлдэж хоцорсон Ромын үеийн задгай театрыг дэлбэлж нураасан. Дамаскаас 40 км-ын зайд орших Маалюль хотод эртний христийн несторианы урсгалын Ариун Марийн хөшөөг дэлбэлсэн. Гэгээн Саркис Бархусын сүмийг нураагаад хажуугийн эмэгтэйчүүдийн хийдийг хоосортол нь дээрэмдэж цөлмөжээ. Америкийн тагнуулын албаны мэдээгээр ИУ-ынхан түүх соёлын үнэт зүйлсийн хулгайн наймаачидтай хамтарч ажилладаг гэнэ. Тэд дээрэмдэж тоносон зүйлээ Турк, Ливан, Катар гэсэн гурван сувгаар гадагшаа гаргаж заран нэг сая гаруй долларын ашиг олжээ.
NUUTS.mn
