НИТХ-ын төлөөлөгч Б.Энх-Амгалан МИАТ-ын онгоцыг Новосибирскд саатуулсан гэнэ
Нийтэлсэн: 2015-10-06 01:40:58
ЗТ-ийн сайд М.Зоригт амласан ёсоороо МИАТ-ын онгоцыг Оросын Новосибирск хотод саатуулсан буруутныг зарлалаа. Зарлана гээд амлаад байсан буруутан нь аль намынх гэдэг сайдад аль эртнээс тодорхой байсан бололтой. Энэ хэргийн эзнээр МАН-аас НИТХ-д сонгогдсон, “Мишээл” группын захирал Б.Энх-Амгалан холбогдож байгаа гэнэ. яамны хэвлэлийн төлөөлөгчийн мэдэгдсэнээр эрхэм захирал ажилтнуудтайгаа Новосибирск хотод буухын тулд ийм бөх зүрх том толгой гаргажээ. Одоогоор энэ үйлдлийн улмаас тухайн онгоцоор зорчиж явсан хүмүүсд учирсан бодит хохирлыг тооцон гаргах ажиллагаа явагдаж байна. Нислэгийг нь бүхэл бүтэн гурван цаг саатулсан гэхээр нэлээд их мөнгө гарах биз. Өнгөрсөн онд Өмнөд Солонгосын голлох иргэний агаарын тээврийн компаний хувьцааг эзэмшигч “Ханжин” группын ерөнхийлөгёийн охин иймэрхүү хэрэг хийгээд бөөн хэрэгт унасан. Эцэст нь уучлал гуйгаад ял сонсоод дууссан. Эзний охин нийслэгийг ердөө 15-хан минут саатулсан бол энэ удаад гурван цаг гэнэ.
NUUTS.mn
