Нууц мэдээллийн уурхай

Өнгөрсөн 6-р сарын 29-нд төрүүлсэн үрээ ердөө гуравхан хоногийн дараа Улаангом хотын 4-р багийн гудманд хаясан бүсгүйг цагдаагийнхан олж илрүүлжээ. Тэрээр 19 настай агаад хамаатан садных нь тодорхойлсноор ажилч малч, хүнд тусархаг, 5-р ангиасаа мал дээр гарсан тул өөрийгөө илэрхийлэх чадвар султай гэжээ. Ж.Э нь охиноо төрүүлээд 7-р сарын 1-ний өдөр эмнэлгээс гарч. Ээж нь замаараа өөр газраар орох болсон тул бүсгүй охиноо аван хамаатных руугаа явжээ. Улаангомын 4 зам гэдэг газар таксинаас буугаад хойшоо явж байгаад танихгүй айлын хашааны гадна охиноо хаяад шууд цаашаа явжээ. Замдаа тээнэглзэж буцалгүй шууд  явсан нь хүүхдээ авах бодол ерөөсөө байгаагүйнх гэж мэдүүлж. Гэхдээ л эзэнгүй хээр хөдөө биш айлын хажууд орхисон тул хүн олоод авчих байх хэмээн өөрийгөө тайвшруулж. Бүсгүй жирэмсэн болсоноо эцгээсээ нуусан агаад хэлбэл зодох байх гээд зөвхөн ээждээ хэлж. Ээж нь охиноо жирэмсэн болсоныг мэдээд Хархираа гол орчмоос шууд аймгийн төв оруулсан нь бас л нөхрөөсөө айсных гэжээ. Охин нь жирэмсэн болсонд өөрийг нь шууд буруутгана хэмээн аймгийн төвийн хамаатандаа учирлаад нөхөрт нь  хэлэхгүй байхыг аминчлан гуйжээ. Эцэг нь маш зарчимч, үр хүүхдэдээ хатуу шаардлага тавьдаг, буруу зүйл хийвэл маш их уурлаж загнадаг ч зоддоггүй гэж охины ээж баталж.  Ингээд охиныг сэмхэн төрүүлсэн аж.  Хажуугийн Тариалан сумын нэгэн залуутай малын бэлчээрд энгэр зөрүүлсэн гэхээс өөр зүйл яриагүй охин нь жирэмсэн байхдаа л хүүхдээ хүнд өгнө гээд бат шийдчихсэн байжээ. Азаар хүүхэд хүссэн эхнэр нөхөр хоёр олж сонсоод эмнэлэгт ирэн охиныг шууд өргөж авчээ. Шүүх Ж.Э-д 260 цагийн албадан ажил хийлгэх ял оноосон байна.
 

NUUTS.mn