М.Зоригт ад үзээд байсан Б.Занданбатдаа арга хэмжээ авчээ
ЗТ-ийн сайд М.Зоригт яамандаа ирээд нэг хүнийг ад үзсэн нь Төрийн захиргаа удирлагын газрын дарга Б.занданбат байсан. Өмнөх сайд Н.Төмөрхүүг дагаж ирсэн газрын дарга нь нь татвард ажиллаж байхдаа асар их хэмжээний шагнал урамшуулал авсан гэдгээрээ алдаршсан нэгэн.Татвард хоёр жил ажиллахдаа тэрбум илүү төгрөгөөр “урамшигдсан” Б.Занданбат нь сайдын нүдэнд өргөсшиг харагдаж “төрийн төрсөн тэрбумтан манай яаманд ажилладаг” хэмээн цахим ертөнцөөр цацагдан од болж байлаа. Үүний дараахан сайдтан газрын даргыг ажлаа өг хэмээн шахаж эхэлжээ. Мөн 160 долларын сэтгүүлийн хэрэгт холбогдсон МАН-ын угшилтай хоёр дарга ч өртөгдсөн. Эцэст нь ил далд дарамтанд орсон Б.Занданбат ажилдаа ч ирэхээ больсон агаад түүнийг сайдын шуурхай тасалж Засгийн газрын хуралдаанаар хэлэлцсэн асуудлыг таницуулаагүй хэмээн арга хэмжээ авахаар болжээ. Удахгүй халах тушаал гарах бололтой.
NUUTS.mn
