Ажлаасаа халагдсан төрийн албан хаагч бүсгүйчүүд үр хөндүүлж байна
Нийтэлсэн: 2015-10-01 02:29:40
Төрд ажиллах нь нэг талаасаа ашигтай ч нөгөө талаасаа аймшигт дарамт болжээ. Хамгийн том эмгэнэл нь ажлаасаа халагдах биз. Түүнээс дутуугүй айдсыг чөлөө авах, жирэмсний амралтаа авах зэрэг авчирдаг болж. Учир нь эргээд ирэхэд нь аль хэдийн албан тушаалд нь өөр хүн авчихсан байдаг. Үүнээс болж төрийн албан хаагч эмэгтэйчүүд эмэгтэй хүн шиг мөрөөрөө жамаараа хүүхдээ тээгээд төрүүлж чадахаа больж. Давхар биетэй үедээ ажлаасаа халагдсан эмэгтэй арга буюу үр хөндүүлсэн тохиолдол Төв аймгийн ЗДТГ-д гарчээ. Ажлаасаа халагдаж хүүхдээ өсгөх чадалгүй болсон тэрээр сэтгэл санаагаар унаж улмаар үртэй болох хүсэл сэтгэл нь алдарч үр хөндүүлэхэд хүрчээ. ЗДТГ-ын хуулийн хэлтэсд ажиллаж байсан тэрээр давхар биетэйгээ удирдлагадаа мэдэгдээгүй байж. Гэтэл гэнэтхэн ажлаас халсан тушаал гаржээ. Тэрээр даргадаа бие давхар гэдгээ яаран орж хэлсэн ч авч хэлэлцсэнгүй. Харин хуулийн зөвлөх эгч нь арга зааж өгчээ. Хуульч эгчийнхээ зөвлөсний дагуу жирэмсэн гэдгээ нууцлан төрийн албаны шалгалт өгч тэнцжээ. Ингээд ажилд орохоор ахин өргөдөл гаргасан ч дарга нар нь сул орон тоо байхгүй гэсэн хариу өгсөн гэнэ.
NUUTS.mn
