Ц.Оюунгэрэл гишүүн Рокит бэйг доош нь хийгээд өөрөө “онигоонд” оржээ
Нийтэлсэн: 2015-09-22 00:53:13
Монголд од гэдгийг тайлбарлахад тун хэцүү. Ямар хүнийг од гэх, бас хэнийг од гэх нь хэвлэлийхний хувьд ч бэрхшээмээр болсон. Түүнээс гадна нэг одыг арай гэж тодруулахад бусад нь хүлээн зөвшөөрдөггүй том зовлон бий. Спортоос од нэрлэх нь амар ч улстөр, урлагд бол бөөн маргаан дагуулна. Нэгэнт од гэхэд хэцүү тул хамаагүй амараар нь олны танил гэж тодорхойлж болох юм. Хэрвээ олны танил улстөрч дуучин гэвэл зөндөөг нэрлэж болно. Харин өөрсдийгөө од гэж боддог хүмүүс бусад одоо хүлээн зөвшөөрөх нь тун ядаргаатай ажил байдгыг УИХ-ын гишүүн Ц.Оюунгэрэл, нэрт реппер Рокит Бэй хоёрын толхилцооноос харж болно. Улстөрч хатагтай үглээчийг Монголдоо алдартай од гэдгийг саяхан тохиолдлоор л мэдсэн бол реппер өөрийг нь доош нь хийсэн хүнийг Монголдоо нэртэй улстөрч болохыг мөн л саяхан мэджээ. Гишүүн хатагтай реппер залууг зөв хүү гэж эерэг талаас нь өндрөөр үнэлсэн бол Рокит бэй харин улстөрчийн сайн муугийн талаар ам нээсэнгүй.
