Ш.Раднаасэд “С” үнэлгээ авсан байцаагчийг Өвөрхангайн МХГ-ын даргаар тавьжээ
.jpg)
Өвөрхангай аймгийн МХГ-ын даргыг Ш.Раднаасэд бүр үүрэг гүйцэтгэгчээр ажилаж байхдаа яаран өөрчилжээ. Үүнийг нь экс дарга Х.Мөнхбат хэт намчирхсан ялгаварлан гадуурхсан хэрэг болсон хэмээн заргалдаж явна. Түүнийг газар удирдаж байхад зөрчил гарган арга хэмжээ авахуулсан нөхдүүд орон нутгийн удирдлага болон МХЕГ-ын зарим удирдлагатай дарга нартай үгсэн хуйвалдсан бололтой. Х.Мөнхбатыг сул орон дээр хүн авч ажиллаагүй хэмээн сахилгын шийтгэл оноон төрийн албанд нэг жил орох эрхгүйгээр халжээ. Түүний оронд өмнө нь цэрэг нь явсан байцаагч С.Дуламсүрэнг томилсон нь экс даргын шарыг гозойлгосон бололтой. Гэтэл шинэ дарга нь геологи уул уурхайн техникийн улсын хяналтын байцаагчаар ажиллаж байхдаа төлөвлөгдсөн 19 обьектоос ердөө зургааг нь шалгаж бусдыг нь шалгаагүй байсан жилийн эцсийн үнэлгээгээр илэрч байжээ. Ингээд түүнд дарга Х.Мөнхбат нь шалгах ёстой обьектынхоо 70 хувийг шалгаагүй хэмээн “С” үнэлгээ тавьсан агаад Өвөрхангайн МХГ-ын хэмжээнд ийм үнэлгээ авсан цорын ганц байцаагч болсон гэнэ. Гэтэл Ш.Раднаасэд харин ч түүнийг дэвшүүлэн даргаар тавьсан нь намчирхсан хэрэг гэж экс дарга үзэж байгаа гэнэ. Ийнхүү сайд нар нь Засгаас хөөгдөхийн хамт дунд шатанд Ардын намыхны хутгасан халаа сэлгээний холион бантан дэлгэгдэж эхэллээ.
