Н.Номтойбаяр Д.Хаянхирваа шиг аймгийн ИТХ-ын экс даргаа өмөөрөхгүй юм байх даа…
.jpg)
Өмгөөлж хамгаалуулах ар талтай хүмүүс сайхан аж. Дарханы экс Засаг дарга болон ИТХ-ын дарга нарыг хууль бусаар огцруулсан хэмээн тойргоос нь сонгогдсон гишүүн Д.Хаянхирваа хэвлэлийн бага хурал хийж өмгөөлж хамгааллаа. Тэгвэл Дорнод аймгийн ИТХ-ын дарга Р.Зоригтбаатарыг бас иймэрхүү сценариар унагасан. Унагасан нөхдийн тоонд АН-ын гишүүдээс гадна Ардын намынх нь “журмын нөхөд” нь хүртэл орсон. Албан тушаалаа алдсан экс дарга хууль бус үйлдэлтэй эрс хатуу тэмцэхээ мэдэгдээд байгаа гэнэ. Гэхдээ хөөрхийг дэмжиж туслах хүн бараг алга. Аймгийн Засаг дарга М.Бадамсүрэн нь чимээгүй дэмжчихээд “ийм явдал болсон нь харамсалтай” гээд өнгөрч. Өдгөө ИТХ-ын даргаар МАН-ын алдарт Уулаа хэмээх П.Мөнхтөр сонгогдсон. Энэ зурган дээр Номт гишүүн Уулаатайгаа тас тэврэлдээд зургаа татуулснаас үзэхэд тойрогтоо “төр эргэснийг” дэмжих нь тодорхой аж. Шинэ дарга шүүхийн шийдвэрээр эргүүлэн татагдах учиртай АН-ын алдарт Г.Болдбаатар, Ганцог нарыг хамгаалах уу явуулах уу гэдгийг харж л байхаас…
