Нууц мэдээллийн уурхай

 Оросд хоёр монгол иргэн дээрэмдүүлж буудуулан хохирч байхад  Монголд согтуу орос машин жолоодож яваад нэг иргэнийг дайрч амь насыг хохироогоод дөрвийг нь хүнд гэмтээжээ. Оросын холбооны улсын харъяат, 58 настай, яс үндэс орос, тусгай дунд боловсролтой, барилгын техникч мэргэжилтэй, эрхэлсэн тодорхой ажилгүй, Емельянов Александр Александрович нь согтууруулах ундааны зүйл хэргэлэсэн үедээ 22-ын товочооны зам дээр замын 1-р эгнээнд дугуй хагараад зогсож байсан иргэн Ж.Ө-г мөргөж амь насыг нь хохироон бас дөрвөн хүнийг дайран хүнд хөнгөн гэмтээжээ. Мөн гурван машиныг мөргөж 1-4 сая төгрөгийн гэмтэл учруулсан гэнэ. Хохирогчдын мэдүүлснээр талийгаачийн машины дугуй нь хагараад зогсож байжээ. Хамт явсан зорчигчид нь машиных нь хажууд зогсож байж. Цуварч явсан машинууд нь гүйцэн ирж 1-р эгнээд гурван машин цувран зогсож байсан гэнэ. Тэд дугуйгаа сольж байтал гэнэт Прадо маркийн 08-77 УБР дугаартай машин маш хуртай ирэн араас нь мөргөжээ. Талийгаач газар дээрээ ами алдсан бол бусад хүмүүс ч шидэгдэн унаж. Гурван машин ташраараа бие биенээ мөргөж. Мөргөсөн прадо мөн хажуулдан унасан агаад жолооч нь болох хүн цонхоор гарч зугтжээ. Гэмтэж бэртээгүй хүмүүс нь ослын газраас зугтсан жолоочийг бараг 1 км хэртэй хөөж барихад орос хүн байжээ. Дараа нь тэрээр мөрдөн байцаалтанд зугтах гээгүй ердөө бие засах гэж жалга руу гүйсэн хэмээн мэдүүлсэн гэнэ. Согтуудаа машин барин “манай орос 1000 жил архи уусан яах ч үгүй” гэж онгирсоны харгайгаар нэгэн монгол айл тэжээгчээ алджээ. Талийгаачийн ар гэрээс нэг удаа уучлал гуйгаагүй агаад оршуулгын зардлыг нь бүрэн төлнө гэсэн амлалтандаа хүрсэнгүй гэнэ. Мөн гэмтсэн машины хохирлыг нь төлөөгүй аж.